విశ్వప్రసాద్ - వివేక్ విడిపోతున్నరా?

పీపుల్స్ మీడియం ఫ్యాక్టరీ గురించి ప్రత్యేకంగా చెప్పనవసరం లేదు. చిన్న బడ్జెట్ సినిమాల నుంచి స్టార్ హీరోలతో బిగ్ బడ్జెట్ సినిమాలను రూపొందిస్తున్న ఈ సంస్థలో చాలామంది కొత్తవారికి కూడా అవకాశాలు వస్తూ ఉన్నాయి. ఇక ఈ సంస్థ నుంచి ఏదైనా సినిమా వస్తోంది అంటే తప్పకుండా అందులో కొత్త తరహా కంటెంట్ ఉంటుంది అని ఫిక్స్ అయిపోవచ్చు.

కంటెంట్ కు తగ్గట్టుగా సినిమాలను నిర్మిస్తున్న ఈ సంస్థ మంచి బ్రాండ్ ఇమేజ్ పెంచుకుంటోంది. పీపుల్స్ మీడియా ఫ్యాక్టరీని నిర్మాత TG విశ్వప్రసాద్ మరో స్థాయికి తీసుకు వెళ్లే ప్రయత్నం చేస్తున్నారు. ఇక వివేక్ కుచిబోట్ల కూడా సంస్థలో కలిసి వర్క్ చేస్తున్న విషయం తెలిసిందే. వీరి కలయికలో చాలా డిఫరెంట్ ప్రాజెక్టులు రూపొందుతూ ఉన్నాయి. ఇక నెక్స్ట్ రవితేజ ఈగల్ సినిమా కూడా ప్రేక్షకుల ముందుకు రాబోతున్న విషయం తెలిసిందే.

అయితే విశ్వప్రసాద్ వివేక్ ఇద్దరు కూడా విడిపోతున్నారు అని చాలా రకాల వార్తలు ఈ మధ్య సోషల్ మీడియాలో వైరల్ అయ్యాయి. ఇక ఈ విషయంపై Tupaki.com అడిగిన ప్రశ్నకు విశ్వప్రసాద్ వెంటనే క్లారిటీ ఇచ్చే ప్రయత్నం చేశారు. ప్రస్తుతం ఈగల్ సినిమాకు సంబంధించిన ప్రమోషన్స్ లో బిజీగా ఉన్నారు. ఇక ఈ సందర్భంగా ఆయన ఈ గాసిప్స్ గురించి స్పందించే ప్రయత్నం చేశారు.

వివేక్, విశ్వ ప్రసాద్ సపరేట్ అయినట్లు వస్తున్న వార్తలలో ఎలాంటి నిజం లేదు అని కొంతమంది కావాలని ఈ తరహా ఫేక్ న్యూస్ లు క్రియేట్ చేశారు అని ఆయన వివరణ ఇచ్చే ప్రయత్నం చేశారు. తాము కలిసి పనిచేస్తామని భవిష్యత్తులో కూడా మంచి ప్రాజెక్టు లు తమ నుంచి వస్తాయి అని విశ్వప్రసాద్ చాలా క్లియర్ గా తెలియజేశారు.

ఇక ఈగల్ ప్రాజెక్టు గురించి మాట్లాడుతూ.. ఈ సినిమా కంటెంట్ అన్ని వర్గాల వారిని ఆకట్టుకుంటుంది అని రవితేజ డిఫరెంట్ గెటప్ లో చూసి సరికొత్తగా ఫీల్ అవుతారని కూడా ఆయన తెలియజేశారు. ఇక ఈ సినిమాకు కార్తిక్ ఘట్టమనేని దర్శకత్వం వహించాడు. సినిమాలో అనుపమ పరమేశ్వరన్ మెయిన్ హీరోయిన్ గా నటించగా ఇదివరకే విడుదలైన టీజర్ కు పాజిటివ్ రెస్పాన్స్ వచ్చింది. ఇక ఫిబ్రవరి 9వ తేదీన ఈగల్ సినిమా ప్రపంచవ్యాప్తంగా గ్రాండ్ గా విడుదల కానుంది .