సాయి పల్లవి వీడియో.. ట్రెండ్ అవ్వకుండా ఉంటుందా..?

ఒక సినిమాను తీయడం కన్నా దాన్ని ఆడియన్స్ లోకి తీసుకెళ్లేలా ప్రమోట్ చేయడంలోనే అసలైన సక్సెస్ ఉంటుందని ఇదివరకు చాలా సినిమాలు చూపించాయి. రీసెంట్ బ్లాక్ బస్టర్ విక్టరీ వెంకటేష్ సంక్రాంతికి వస్తున్నాం సినిమా కూడా అంతే. సినిమా రిలీజ్ కు ముందు నుంచి ఒక రేంజ్ లో ప్రమోషన్స్ చేశారు. రిలీజై దాదాపు 10 రోజులు దాటిన కూడా ఇంకా ప్రమోట్ చేస్తూనే ఉన్నారు. సెట్స్ మీద ఉన్న సినిమా రిలీజ్ ముందు వరకు సినిమా గురించి ఏదో ఒక విధంగా మాట్లాడుకునే చేస్తే చాలు ఆ సినిమా ట్రెండింగ్ లో ఉన్నట్టే లెక్క.

ఈ ఫార్ములాని కనిపెట్టారు తండేల్ టీం. చందు మొండేటి డైరెక్షన్ లో తెరకెక్కుతున్న ఈ సినిమా లో నాగ చైతన్య, సాయి పల్లవి జంటగా నటిస్తున్నారు. ఆల్రెడీ సినిమాకు దేవి శ్రీ ప్రసాద్ ఇస్తున్న మ్యూజిక్ తో హిట్ వైబ్ వచ్చేసింది. సాంగ్స్ తోనే కెవ్వు కేక అనిపించిన ఈ సినిమా ఎప్పటికప్పుడు ట్రెండింగ్ లో ఉంటూ వస్తుంది. ఐతే ఈ బజ్ ని ఇలానే కొనసాగించాలని లేటెస్ట్ గా చిత్ర యూనిట్ తండేల్ కు సాయి పల్లవి డబ్బింగ్ చెబుతున్న చిన్న క్లిప్ ని రిలీజ్ చేసింది.

సాయి పల్లవికి తెలియకుండా డైరెక్టర్ చందు మొండేటి ఆమె డబ్బింగ్ చెబుతున్న వీడియోని షూట్ చేయించారు. డబ్బింగ్ స్టూడియోలోకి వెళ్లి చందు మొండేటి ఆమెకు సర్ ప్రైజ్ ఇచ్చారు. ఐతే తనకు ఫీవర్, కోల్డ్ తో బాధపడుతున్నా డబ్బింగ్ చెబుతున్నా అంటూ సాయి పల్లవి చెప్పుకొచ్చారు. ఈ క్రమంలో వారిద్దరి మధ్య సరదా సంభాషణ జరిగింది.

తండేల్ కు సాయి పల్లవి ఎంత ప్లస్సో తెలిసిందే. నాగ చైతన్యతో ఆల్రెడీ లవ్ స్టోరీ సినిమా తీసి సూపర్ హిట్ అందుకోగా తండేల్ తో ఈసారి చాలా పెద్ద టార్గెట్ పెట్టినట్టు అనిపిస్తుంది. తండేల్ నుంచి సాయి పల్లవి అప్డేట్ ఏది వచ్చినా ఆమె ఫ్యాన్స్ వైరల్ చేస్తున్నారు. ఈ క్రమంలో తండేల్ కి సాయి పల్లవి చెబుతున్న ఈ డబ్బింగ్ వీడియోని కూడా ట్రెండ్ చేస్తారేమో చూడాలి. అక్కడ ఉంది సాయి పల్లవి కాబట్టి ట్రెండింగ్ లో లేకపోతే ఎలా అని కొందరు కామెంట్స్ చేస్తున్నారు. తండేల్ సినిమాను గీతా ఆర్ట్స్ 2 బ్యానర్ లో బన్నీ వాసు నిర్మిస్తున్నారు. ఫిబ్రవరి 7న రిలీజ్ అవుతున్న ఈ సినిమా బిజినెస్ కూడా బ్రహ్మాండంగా జరిగిందని టక్.