అకిరా పంజా 2.. డైరెక్టర్ ప్లాన్ ఏంటి..?

నీ చుర చుర చూపులే పంజా అంటూ పవర్ స్టార్ ని స్టైలిష్ యాక్షన్ హీరోగా చూపించిన డైరెక్టర్ విష్ణు వర్ధన్. కోలీవుడ్ లో బిల్లా తెరకెక్కించిన ఆయన తెలుగులో పవర్ స్టార్ తో పంజా చేశారు. ఐతే ఆ సినిమా సక్సెస్ అయితే ఒకవేళ తెలుగులో సినిమాలు చేసే వారేమో కానీ ఆ సినిమా వర్క్ అవుట్ కాకపోవడంతో ఆయనకు అవకాశాలు రాలేదు. ఐతే లేటెస్ట్ గా మళ్లీ ఆయన తన సినిమా ప్రమోషన్స్ కోసం హైదరాబాద్ వచ్చారు.

విష్ణు వర్ధన్ డైరెక్షన్ లో ఆకాశ్ మురళి, అదితి శంకర్ కలిసి నటించిన సినిమా నెసిప్పాయా ఈ సినిమా రీసెంట్ గా తమిళ్ లో రిలీజై సక్సెస్ ఫుల్ గా రన్ అవుతుంది. ఇప్పుడు ఈ మూవీని తెలుగు ఆడియన్స్ ముందుకు తెస్తున్నారు. ఈ సినిమా ప్రమోషన్స్ లో విష్ణు వర్ధన్ పంజా రోజులను గుర్తు చేసుకున్నారు. పంజా ప్లాన్ చేసి తీసింది కాదని అది అలా జరిగిపోయిందని అన్నారు.

అంతేకాదు తన సినిమాలు రీమేక్ ఛాన్సులు వచ్చినా కంఫర్ట్ జోన్ లో సినిమాలు చేయడం ఇష్టం లేకనే అలా చేయలేదని బిల్లా రీమేక్ గురించి చెప్పారు విష్ణు వర్ధన్. ఇక పంజా సీక్వెల్ ఏదైనా ప్లాన్ ఉందా..? అది అకిరా నందన్ తో తీస్తారా అన్న మీడియా ప్రశ్నలకు ఏది ప్లాన్ చేయనని అలా జరిగిపోవాలని అన్నారు. ఐతే తెలుగులో మాత్రం మరో సినిమా చేయాలని అమ్మ కోరుతుందని అది ఎప్పుడు ఎలా జరుగుతుందో చూడాలని అన్నారు విష్ణు వర్ధన్.

అకిరా తో పంజా సీక్వెల్ పై విష్ణు వర్ధన్ ఆన్సర్ చూస్తుంటే.. నిజంగానే అది జరిగేలా ఉందనిపిస్తుంది. ఏది ఏమైనా విష్ణు వర్ధన్ మళ్లీ ఇన్నాళ్లకు తెలుగు మీడియా ముందుకు వచ్చి ఇలా తన సినిమాల గురించి చెప్పడం పంజా సినీ లవర్స్ కి సూపర్ అనిపించేసింది. డైరెక్టర్ మూమెంట్ చూస్తుంటే గట్టిగా అనుకుంటే జరిగిపోయేలా ఉంది. పంజా సీక్వెల్ లో పవన్ కళ్యాణ్ కష్టమే అందుకే అకిరాని లైన్ లోకి తెచ్చి చేయాలని ఫిక్స్ అయ్యారు. అదే జరిగితే మాత్రం పంజా 2 ట్రెండ్ సెట్టర్ అయ్యే ఛాన్స్ ఉంటుంది.