ఈ వారం థియేటర్స్, ఓటీటీలో రిలీజ్ కాబోయే సినిమాలివే

నవంబర్ మూడో వారంలో ఇటు థియేటర్, అటు ఓటీటీ ఆడియన్స్ ముందుకి కొన్ని సినిమాలు, వెబ్ సిరీస్ లు రాబోతున్నాయి. అయితే ఈ వారం థియేటర్స్ లో రిలీజ్ అయ్యే సినిమాలలో కాస్తా ఫేమ్ ఉన్న మూవీ ఒకటే ఉంది. విశ్వక్ సేన్ హీరోగా రవితేజ ముళ్ళపూడి దర్శకత్వంలో తెరకెక్కిన ‘మెకానిక్ రాకీ’ నవంబర్ 22న రిలీజ్ అవుతోంది. మీనాక్షి చౌదరి, శ్రద్ధా శ్రీనాథ్ ఈ చిత్రంలో హీరోయిన్స్ గా నటిస్తున్నారు.

విశ్వక్ పైన ఉన్న క్రేజ్ కారణంగానే మెకానిక్ రాకీ మూవీపైన అంచనాలు గట్టిగానే ఉన్నాయి. అలాగే ప్రశాంత్ వర్మ కథతో అర్జున్ జంధ్యాల దర్శకత్వంలో తెరకెక్కిన మూవీ ‘దేవకీ నందన వాసుదేవ’. అశోక్ గల్లా, మానస వారణాసి జంటగా నటించిన ఈ మూవీ ఫ్యామిలీ యాక్షన్ డ్రామాగా తెరకెక్కింది. ఇది నవంబర్ 22న విడుదల కాబోతోంది. అలాగే రాకింగ్ రాకేష్ హీరోగా నటిస్తూ నిర్మించిన చిత్రం ‘కేశవ చంద్ర రామావత్(KCR)’. గరుడ వేగ సినిమాటోగ్రాఫర్ అంజి దర్శకత్వంలో ఈ మూవీ తెరకెక్కింది.

విక్రమ్ రెడ్డి దర్శకత్వంలో బెక్కం వేణుగోపాల్ నిర్మించిన ‘రోటీ కపడా రొమాన్స్’ కూడా నవంబర్ 22న రాబోతోంది. హర్ష నర్రా, సందీప్ సరోజ్, తరుణ్, సుప్రజ రంగా ఈ చిత్రంలో కీలక పాత్రలలో నటించారు. యూత్ ఫుల్ రొమాంటిక్ ఎంటర్టైనర్ గా ఈ చిత్రం రాబోతోంది. అలాగే సన్నీ లియోన్ లీడ్ రోల్ లో ఆర్ యువన్ తెరకెక్కించిన హర్రర్ కామెడీ మూవీ ‘మందిర’ ఈ వారమే థియేటర్స్ లోకి వస్తోంది. ఈ సినిమాలలో ఏది ప్రేక్షకులని మెప్పిస్తుందనేది చూడాలి.

ఇక ఓటీటీలోకి వచ్చేసరికి స్ట్రైట్ తెలుగు మూవీస్ ఏవీ కూడా రిలీజ్ కావడం లేదు. అయితే మలయాళీ మూవీ ‘కిస్కింద కాండం’ నవంబర్ 19న డిస్నీ హాట్ స్టార్ లో రిలీజ్ అవుతోంది. థియేటర్స్ లో ఈ సినిమాకి మంచి పాజిటివ్ టాక్ వచ్చింది. ది ఏలియన్స్ సాగా సిరీస్ లో భాగంగా ‘ఏలియన్: రుములుస్’ డిసెంబర్ 21న డిస్నీ హాట్ స్టార్ లో ప్రేక్షకుల ముందుకొస్తోంది. ‘ఏ మెన్ ఆన్ ది అవుట్ సైడ్’ కామెడీ సిరీస్ నెట్ ఫ్లిక్స్ లో ఈ నెల 21 నుంచి స్ట్రీమింగ్ కాబోతోంది.

సెకండ్ వరల్డ్ వార్డ్ బ్యాక్ డ్రాప్ లో తెరకెక్కిన ‘బ్లీడ్జ్’ మూవీ ఆపిల్ టీవీలో నవంబర్ 22 నుంచి అందుబాటులోకి రానుంది. ‘ఇంటీరియర్ చైనా టౌన్’ అనే మూవీ నవంబర్ 19న హాట్ స్టార్ గా స్ట్రీమింగ్ కానుంది. ‘క్యాంపస్ బీట్స్ సీజన్ 4’ అమెజాన్ ప్రైమ్ లో నవంబర్ 20న రిలీజ్ అవుతోంది. ‘బేస్డ్ ఆన్ ఏ ట్రూ స్టోరీ సీజన్ 2’ అమెజాన్ ప్రైమ్ లో నవంబర్ 22న ప్రేక్షకుల ముందుకొస్తోంది. ‘యే కాళీ కాళీ అంఖీన్’ థ్రిల్లర్ హిందీ వెబ్ సిరీస్ నెట్ ఫ్లిక్స్ లో నవంబర్ 22న అందుబాటులోకి వస్తోంది.