దొడ్డి దారిన వెళుతూ కెమెరాల‌కు చిక్కిన టాలీవుడ్ జంట
అలా ఇప్ప‌టికే చాలామంది టాలీవుడ్ స్టార్ల ప్ర‌యాణాల వెన‌క గుట్టు మ‌ట్ల‌ను హిందీ మీడియా క‌నిపెట్టి వెబ్ మీడియాల్లో వార్త‌లుగా ప్ర‌చురించింది.
తెలుగు స్టార్లు హైద‌రాబాద్ విమానాశ్ర‌యంలో కెమెరాల‌కు చిక్క‌క‌పోయినా, ముంబై విమానాశ్ర‌యంలో కెమెరాల‌కు చిక్కుతున్నారు. అక్క‌డ ఫోటోగ్రాఫ‌ర్లు మాత్రం అస్స‌లు విడిచిపెట్ట‌డం లేదు. అలా ఇప్ప‌టికే చాలామంది టాలీవుడ్ స్టార్ల ప్ర‌యాణాల వెన‌క గుట్టు మ‌ట్ల‌ను హిందీ మీడియా క‌నిపెట్టి వెబ్ మీడియాల్లో వార్త‌లుగా ప్ర‌చురించింది.
భార‌తీయ సినీయ‌వ‌నిక‌పై ఇప్పుడు తెలుగు స్టార్ల హ‌వా అంత‌కంత‌కు పెరుగుతుండ‌డంతో ముంబైలో స్టిల్ ఫోటోగ్రాఫ‌ర్లు చ‌కోర ప‌క్షుల్లా విమానాశ్ర‌యంలో కాపు కాస్తున్నారు. మ‌న స్టార్ల‌ను వెంటాడి వేటాడుతున్నారు. టాలీవుడ్ స్టార్లు ముంబైలో విమానం దిగ‌గానే ఎవ‌రినీ విడిచిపెట్ట‌డం లేదు. ఎవ‌రు ఎవ‌తో ఎఫైర్ సాగిస్తున్నారో కూడా లీకులిస్తున్నారు.
అలా ఈ మ‌ధ్య‌నే పాపుల‌ర్ టాలీవుడ్ జంట ముంబై స్టిల్ ఫోటోగ్రాఫ‌ర్ల కంటికి చిక్కింది. ప్ర‌ముఖ హీరో, పాపుల‌ర్ హీరోయిన్ ఇద్దరూ విమానాశ్రయం వ‌ర‌కూ క‌లిసే వ‌చ్చారు. కానీ వెళ్లేప్పుడు వేర్వేరు ఎగ్జిట్ ల నుంచి నిష్కృమిస్తూ ఆశ్చ‌ర్య‌ప‌రిచారు. ఈ విష‌యాన్ని ముంబై మీడియా వెంట‌నే క‌నిపెట్టేసింది. ఆ ఇద్ద‌రినీ విడివిడిగా ఫోటోలు తీసి, వీళ్లు క‌లిసే వ‌చ్చి విడివిడిగా వెళుతున్నారేమిటీ? అంటూ ఆరాలు తీయ‌డం మొద‌లెట్టారు. ఇంత‌కుముందు ప‌లుమార్లు హిందీ మీడియా ఈ జంట ఎఫైర్ గురించి పుంఖానుపుంఖాలుగా క‌థ‌నాలు వండి వార్చింది. ఆ ఇద్ద‌రి మ‌ధ్యా ఏదో జ‌రుగుతోంద‌న్న ప్ర‌చారాన్ని హోరెత్తించింది. ఇప్పుడు మ‌రోసారి ఈ జంట మీడియా కంటికి చిక్క‌కూడ‌ద‌ని జాగ్ర‌త్త ప‌డుతుంటే పాయింట్ క్యాచ్ చేసిన హిందీ మీడియా, దానిపై మ‌రోసారి వార్తా క‌థ‌నాల‌ను వండి వార్చింది.
ఈ జంట గ‌తంలో ప‌లుమార్లు మాల్దీవుల విహార‌యాత్ర‌కు క‌లిసే వెళ్లారు. కానీ విమానాశ్ర‌యాల్లో విడివిడిగా క‌నిపించారు. ఇప్పుడు కూడా మ‌ళ్లీ అదే సీన్ రిపీటైంద‌నేది హిందీ మీడియా చెబుతున్న మాట. మొత్తానికి మాల్దీవుల్లో కొద్దిరోజుల పాటు వెకేష‌న్ లో ఎంజాయ్ చేసి సైలెంట్ గా ముంబై విమానాశ్ర‌యానికి చేరుకుని అక్క‌డి నుంచి ఎవ‌రి దారి వారు చూసుకున్నార‌ని సెల‌బ్రిటీ ఫోటోగ్రాఫ‌ర్లు చెబుతున్నారు.
ఇటీవల ఆ ఇద్దరూ ముంబై విమానాశ్రయం నుండి బయటికి వెళ్లడం గమనించిన ఫోటోగ్రాఫ‌ర్ల త‌ప్పుడు దృష్టి కోణాన్ని నిలువ‌రించేందుకు... వారు కలిసి పోజులిచ్చి, ఆ వెంట‌నే ప్రత్యేక గేట్ల నుండి నిష్క్రమించారు. విమానాశ్రయ ప్రాంగణం నుండి వెళుతున్న ఈ జంట‌కు సంబంధించిన చాలా ఫోటోలు, వీడియోలు ఇప్పుడు సోషల్ మీడియాలో వచ్చాయి. ఆ ఇద్దరూ కలిసి రెండు చిత్రాల్లో న‌టించారు. ఒక‌టి బ్లాక్ బ‌స్ట‌ర్ .. ఒక‌టి బిగ్ ఫ్లాప్. ఇంత‌కీ ఆ జంట ఎవ‌రో చెబుతారా? ఆ ఇద్దరూ ఎవ‌రో మీరే క‌నిపెట్టండి చూద్దాం!