వార‌సుడు 2024 లో వేగం పెంచాడే!
దీనిలో భాగంగా 2024 లో ఏకండా రెండు సినిమాలు లాక్ చేసిన‌ట్లు తెలుస్తోంది. రెండ‌వ ప్ర‌య‌త్నంగా ఇప్ప‌టికే బయోపిక్ స్టోరీని లాక్ చేసిన సంగ‌తి తెలిసిందే.
చియాన్ విక్ర‌మ్ వార‌సుడు ధృవ్ ఇంత కాలం సైలెంట్ గా ఉన్న ఒక్క‌సారిగా స్పీడ‌ప్ అవుతున్న‌ట్లే క‌నిపిస్తుంది. 'ఆదిత్య వ‌ర్మ' త‌ర్వాత ఎలాంటి సినిమా చేయాల‌ని కొంత డైల‌మా లో గ్యాప్ తీసుకున్నా! ఈసారి హిట్ కంటెంట్ తోనే రావాల‌ని బ‌ల‌మైన నిర్ణ‌యంతో ముందుకు క‌దులుతున్న‌ట్లు క‌నిపిస్తోంది. దీనిలో భాగంగా 2024 లో ఏకండా రెండు సినిమాలు లాక్ చేసిన‌ట్లు తెలుస్తోంది. రెండ‌వ ప్ర‌య‌త్నంగా ఇప్ప‌టికే బయోపిక్ స్టోరీని లాక్ చేసిన సంగ‌తి తెలిసిందే.
క‌బ‌డ్డీ ప్లేయ‌ర్..అర్జున్ అవార్డు గ్ర‌హీత మాన‌తీ గ‌ణేష‌న్ జీవితం ఆధారంగా స్టార్ డైరెక్టర్ సెల్వ‌రాజ్ తో ఓ సినిమా చేస్తున్నాడు. గ‌త కొన్ని నెల‌లు గా ధృవ్ ఆ పాత్ర‌కి సంబంధించి శిక్ష‌ణ పొందుతున్నాడు. నిష్ణాతుల స‌మ‌క్షంలో ధృవ్ క‌బ‌డ్డీ లో త‌ర్పీదు పొందుతు న్నాడు. శ‌రీరాకృతిలో భారీ మార్పులే చేస్తున్నాడు. అవ‌స‌ర‌మైన వ‌ర్కౌట్లు చేస్తూ కొన్ని నెల‌లుగా బిజీగానే గ‌డుపుతున్న‌ట్లు తెలుస్తోంది.
భారీ హిట్ తోనే ఇండ‌స్ట్రీని షేక్ చేయాల‌న్నా ఆలోచ‌న‌తో ధృవ్ క‌నిపిస్తున్నాడు. ఓర‌కంగా దృవ్ చాలా ల‌క్కీ అని చెప్పాలి. కెరీర్ ఆరంభంలోనే బయోపిక్ లో న‌టించే అరుదైన ఛాన్స్ అందుకున్నాడు. బయోపిక్ ల‌కు బాలీవుడ్ కేరాఫ్ అడ్ర‌స్ గా ఉండేది. ఇప్పుడిప్పుడే ఆ ట్రెండ్ సౌత్ కి అల‌వాటవుతుంది. ప్ర‌స్తుతం ఈ సినిమాకి సంబంధించి ప్రీ ప్రొడ‌క్ష‌న్ ప‌నులు ముగింపు ద‌శ‌కు చేరుకున్నాయి. ఈ నెల‌లోనే సినిమా ప్రారంభిచ‌నున్న‌ట్లు స‌మాచారం.
ఇక మాన‌తి గ‌ణేష‌న్ చిత్ర ద‌ర్శ‌కుడుకి బంధువు కావ‌డం విశేషం. ఎప్ప‌టి నుంచో ఆయ‌న బయోపిక్ ని తెర‌కెక్కించాలనుకుంటున్నారు. ఆ కోరిక ఇప్పుడు తీర‌బోతుంది. ఈ చిత్రాన్ని ద‌ర్శ‌కుడు పా రంజిత్ నిర్మిస్తుండ‌టం విశేషం. ఈ సినిమాతో పాటు ధృవ్ తాజాగా మ‌రో సినిమాకి కూడా క‌మిట్ అయిన‌ట్లు తెలుస్తోంది. గ‌ణేష్ .కె. బాబు అనే కొత్త ద‌ర్శ‌కుడితోనూ ఓ సినిమాకి క‌మిట్ అయ్యాడు. సినిమా స్టోరీ ఏంటి? ఎప్పుడు ప్రారంభం అవుతుంది? అన్న వివ‌రాలు ఇంకా బ‌య‌ట‌కు రాలేదు.