పవన్ తో ఊచకోతకు సిద్ధమైన హరీష్

పవర్ స్టార్ పవన్ కళ్యాణ్ ను పర్ఫెక్ట్ గా మాస్ యాంగిల్ లో హైలెట్ చేస్తే మాత్రం థియేటర్లో సందడి మామూలుగా ఉండదు. ఇక ఇలాంటి మాస్ హీరోకు మరో మాస్ దర్శకుడు సెట్టయితే ఎలా ఉంటుందో ఇదివరకే గబ్బర్ సింగ్ సినిమాతో చాలా పర్ఫెక్ట్ గా అర్థం అయింది. ఇక ఇప్పుడు మరోసారి ఈ ఇద్దరి కాంబినేషన్లో వస్తున్న సినిమా ఉస్తాద్ భగత్ సింగ్.

ఈ సినిమాపై మొదట్లో చాలా నెగిటివ్ టాక్ అయితే వచ్చింది. తెరి కదా ఆధారంగా రాబోతున్న రీమేక్ సినిమా అని మార్పులు చేర్పులు ఎన్నో చేస్తున్నారు అని చెప్పినా కూడా ఫాన్స్ అయితే అంతగా సంతృప్తి చెందలేదు. కానీ దర్శకుడు మాత్రం నమ్మకంతో ఫ్యాన్స్ కు మంచి కిక్ ఇచ్చేలా అయితే తన శక్తి మేరకు ప్రయత్నం చేస్తున్నట్లు తెలుస్తోంది. ఇక ఈ సినిమాలో మాస్ ఎలిమెంట్స్ హై రేంజ్ లో ఉండే విధంగా ప్లాన్ చేసుకుంటున్నాడు దర్శకుడు హరీష్.

ఇప్పటికే ఒక యాక్షన్ సన్నివేశాన్ని కూడా పూర్తి చేశారు. అయితే ఇప్పుడు కీలకమైన షెడ్యూల్లో మరొక యాక్షన్ ఎపిసోడ్ కూడా ప్లాన్ చేశారు. మంగళవారం రోజు హైదరాబాదులో ఒక భారీ యాక్షన్ ఎపిసోడ్ కు మొత్తం కూడా ప్లాన్ సిద్దమయింది. అయితే ఈ షెడ్యూల్ అప్డేట్ ఇచ్చే విధంగా దర్శకుడు ఒక ఫోటోను కూడా సోషల్ మీడియాలో షేర్ చేసుకున్నాడు.

అందులో దాదాపు అన్ని రకాల ఆయుధాలు కనిపిస్తున్నాయి. అందులో చిన్నపాటి కత్తులతో పాటు భారీ పదునైన కత్తులు అలాగే గొడ్డళ్లు కూడా కనిపిస్తున్నాయి. ఆర్ట్ వర్క్ అయితే అద్భుతంగా ఉంది అనే విధంగా కామెంట్స్ అయితే వస్తున్నాయి. అలాగే బలమైన గంట తీసుకొని కొట్టేలా కూడా దర్శకుడు భారీగానే ప్లాన్ చేసినట్లుగా ఆ ఫోటో చూస్తేనే అర్థమవుతుంది.

ఈ తరహా మాస్ ఎలిమెంట్స్ వర్కౌట్ అయితే మాత్రం ఫ్యాన్స్ సందడి మామూలుగా ఉండదు. దర్శకుడు హరీష్, ఫ్యాన్స్ కి ఎలాంటి సీన్స్ ఎంజాయ్ చేస్తారో బాగా తెలుసు కాబట్టి ఓ వర్గం ప్రేక్షకుల్లో మాత్రం ఈ సినిమాపై మెల్లగా పాజిటివ్ వైబ్రేషన్స్ అయితే పెరుగుతున్నాయి. మరి సినిమా ఎలాంటి సంతృప్తినిస్తుందో వేచి చూడాలి.