పిక్ టాక్ : చూపు తిప్పనివ్వని అందాల ఊర్వశి
తాజాగా అందమైన స్కిన్‌ కలర్‌ ఫుల్‌ డ్రెస్‌ని ధరించిన ఊర్వశి రౌటేలా కన్నుల విందు చేసింది.
2015లో మిస్ దివా - మిస్ యూనివర్స్‌ ఇండియా టైటిల్స్‌ను గెలుచుకున్న ఊర్వశి రౌటేలా బాలీవుడ్‌లో వరుస సినిమాలు చేస్తూనే సౌత్‌లోనూ అప్పుడప్పుడు సందడి చేస్తోంది. తెలుగులో పలు సినిమాల్లో ఐటెం సాంగ్స్ చేయడం ద్వారా అలరించిన ఈ అమ్మడు సోషల్‌ మీడియా ద్వారా రెగ్యులర్‌గా అందాల ఫోటోలను షేర్‌ చేయడం మనం చూస్తూ ఉంటాం. ఈమె ఏ కార్యక్రమంకు వెళ్లినా అక్కడ మీడియా వారు తమ కెమెరాలకు పని చెప్పడం, ఆ ఫోటోలను సోషల్‌ మీడియాలో షేర్‌ చేసి వైరల్‌ చేయడం కామన్‌గా జరుగుతూ ఉంది. సోషల్‌ మీడియాలో మరోసారి ఊర్వశి రౌటేలా అందమైన ఫోటో షూట్‌తో వైరల్‌ అవుతోంది.
15 ఏళ్ల వయసులోనే మోడలింగ్‌పై ఆసక్తి కనబర్చిన ఊర్వశి రౌటేలా అప్పటి నుంచి ఎన్నో కమర్షియల్స్‌లో నటించింది. ఎంతో మంచి పేరు సొంతం చేసుకున్న ఊర్వశి నటిగా సింగ్ సాబ్‌ ది గ్రేట్ తో ఎంట్రీ ఇచ్చింది. 2013లో ఆ సినిమాతో ప్రేక్షకుల ముందుకు వచ్చిన ఊర్వశి ఆ తర్వాత ఎన్నో సినిమాల్లో నటించింది. ముఖ్యంగా ఈమె నటించిన సనమ్‌ రే, గ్రేట్ గ్రాండ్‌ మస్తీ, హేట్‌ స్టోరీ 4 సినిమాలు మంచి గుర్తింపును తెచ్చి పెట్టాయి. కన్నడ సినిమా ఇండస్ట్రీలో ఈమె మిస్టర్‌ ఐరావత్‌ తో ఎంట్రీ ఇచ్చింది. కోలీవుడ్‌లో ది లెజెండ్‌ సినిమాలో నటించడం ద్వారా తమిళ ప్రేక్షకులకు పరిచయం అయింది.
తెలుగులో ఇప్పటి వరకు వాల్తేరు వీరయ్య, బ్రో, ఏజెంట్‌, స్కంద సినిమాల్లో ఐటం సాంగ్స్ చేసింది. ఒకే ఏడాది నాలుగు సినిమాలతో తెలుగు ప్రేక్షకులను ఉర్రూతలూగించిన ఈ అమ్మడికి హీరోయిన్ ఆఫర్లు రావాలంటూ కొందరు కోరుకున్నారు. అనుకున్నట్లుగానే టాలీవుడ్‌లో హీరోయిన్‌గా ఛాన్స్ వచ్చింది, కానీ చివరి నిమిషంలో ఆ ఛాన్స్ మిస్ అయిందట. ప్రస్తుతం బాలకృష్ణ తో డాకూ మహారాజ్ సినిమాలోనూ ఈమె నటిస్తోంది. హీరోయిన్‌గా నటిస్తుందా లేదా ఐటెం సాంగ్‌ చేసిందా అనేది తెలియాలంటే వచ్చే ఏడాది సంక్రాంతి వరకు వెయిట్ చేయాల్సిందే.
తాజాగా అందమైన స్కిన్‌ కలర్‌ ఫుల్‌ డ్రెస్‌ని ధరించిన ఊర్వశి రౌటేలా కన్నుల విందు చేసింది. యూనిక్‌ ఔట్‌ ఫిట్‌తో భలే ఉంది అంటూ విమర్శకుల ప్రశంసలు దక్కించుకుంది. సోషల్‌ మీడియాలో ఈ అమ్మడి ఫోటోలు రెగ్యులర్‌గా వైరల్‌ అవుతూనే ఉన్నాయి. మరోసారి ఈ ఫోటోలు నెట్టింట అందరి దృష్టిని ఆకర్షిస్తున్నాయి. బాలీవుడ్‌లో ఉన్న ఎంతో మంది స్టార్‌ హీరోయిన్స్‌ తో పోల్చితే ఊర్వశి రౌటేలా చాలా అందంగా ఉంటారని, కానీ అదృష్టం కలిసి రాకపోవడంతో ఆఫర్లు అంతగా దక్కడం లేదు అంటూ చాలా మంది ఆవేదన వ్యక్తం చేస్తున్నారు. సోషల్‌ మీడియాలో ఎప్పటిలాగే ఊర్వశి ఫోటోలకు తెగ లైక్స్‌, షేర్స్ దక్కుతున్నాయి.