విజ‌య్-స‌మంత.. చంపేశారు

ఇటు టాలీవుడ్, అటు ప్రేక్ష‌కులు ఎంతో ఆస‌క్తిగా ఎదురు చూస్తున్న సినిమా అంటే ఖుషి అనే చెప్పాలి. విజ‌య్ దేవ‌ర‌కొండ‌-స‌మంత‌ల క్రేజీ కాంబినేష‌న్లో నిన్ను కోరి, మ‌జిలీ చిత్రాల ద‌ర్శ‌కుడు శివ నిర్వాణ రూపొందించిన ఈ చిత్రం మీద ముందు నుంచి మంచి అంచ‌నాలే ఉన్నాయి.

కొన్ని కార‌ణాల వ‌ల్ల సినిమా ఆల‌స్య‌మైన‌ప్ప‌టికీ.. అన్ని అడ్డంకుల‌నూ అధిగ‌మించి సినిమాను విడుద‌ల‌కు సిద్ధం చేశారు. సెప్టెంబ‌రు 1న పాన్ ఇండియా స్థాయిలో ఈ సినిమా రిలీజ్ కాబోతోంది. ఇప్ప‌టికే పాట‌లు.. ట్రైల‌ర్ సినిమా మీద అంచ‌నాలను పెంచాయి. హైప్ ఇంకా పెంచేందుకు మంగ‌ళ‌వారం హైద‌రాబాద్‌లో మ్యూజిక‌ల్ క‌న్సర్ట్ నిర్వ‌హించింది ఖుషి టైం. సీతారామం త‌ర్వాత ఇలాంటి ఈవెంట్ ఖుషికే జ‌రిగింది.

భారీ స్థాయిలో జ‌రిగిన ఈ వేడుక‌లో సంగీత ద‌ర్శ‌కుడు హేష‌మ్ అబ్దుల్.. సింగ‌ర్స్‌తో క‌లిసి చేసిన సంద‌డి ఒకెత్త‌యితే.. విజ‌య్, స‌మంత క‌లిసి స్టేజ్ మీద చేసిన హంగామా మ‌రో ఎత్తు. ఆడియోలో సూప‌ర్ హిట్ట‌యిన ఖుషి టైటిల్ సాంగ్‌ను విజ‌య్, స‌మంత క‌లిసి స్టేజ్ మీద ఒక రేంజిలో పెర్ఫామ్ చేశారు. ఈ సంద‌ర్భంగా వీరి కెమిస్ట్రీ అదిరిపోయింది. విజ‌య్ ముందుగా త‌న కోట్ తీసి ప‌క్క‌న ప‌డేసి.. స‌మంత‌ను ద‌గ్గ‌రికి తీసుకున్నాడు. త‌ర్వాత ఆమెను పైకెత్తుకుని తిప్పుతూ విన్యాసాలు చేశాడు. త‌ర్వాత ఇద్ద‌రూ క‌లిసి చేసిన రొమాంటిక్ విన్యాసాల‌కు ఆడిటోరియం హోరెత్తిపోయింది.

తెర మీదే కాక బ‌య‌ట కూడా విజ‌య్, సామ్ క‌లిసి అద్భుత‌మైన కెమిస్ట్రీ పండించ‌డం చ‌ర్చ‌నీయాంశం అయింది. విదేశాల్లో అనారోగ్యానికి చికిత్స తీసుకునేందుకు షూటింగ్స్ నుంచి కూడా బ్రేక్ తీసుకున్న సామ్.. ఖుషి ప్ర‌మోష‌న్ల కోస‌మే హైద‌రాబాద్ తిరిగొచ్చింది. ఆమె విజ‌య్‌తో క‌లిసి ఒక‌ కామ‌న్ ఇంట‌ర్వ్యూ ఇవ్వ‌డంతో పాటు మ్యూజిక‌ల్ క‌న్స‌ర్ట్‌లోనూ పాల్గొంది.