ఫ్యాన్స్ ని ఖుషి చేస్తున్న వెంకటేష్ మార్పు..!

విక్టరీ వెంకటేష్ మారిపోయారు.. అదేంటి వెంకటేష్ మారిపోవడం ఏంటని అనుకోవచ్చు. మాములుగా వెంకటేష్ చేసే పాత్రలు చాలా సహజంగా ఉంటాయి కానీ ఆయనను పర్సనల్ గా కలిసిన వారెవరు ఆయన్ను సినిమాల్లో చూసిన వెంకటేష్ తో పోల్చుకోలేరు. మీడియా ముందుకు వచ్చినా సరే వెంకటేష్ ఎక్కువ శాతం ఇంగ్లీష్ మాట్లాడుతూ ఉంటాడు. అయితే వెంకటేష్ అంతే ఇంతే అనుకున్నారు దగ్గుబాటి అభిమానులు. కానీ ఈమధ్య వెంకటేష్ కూడా మారిపోయాడు.

వెంకటేష్ ఈమధ్య ఫ్యాన్స్ ని ఉత్సాహపరచేలా మాట్లాడుకున్నారు. మీడియా ముందు కూడా సరదా సరదాగా ఉంటున్నారు. ఈవెంట్స్ లో అయితే ఫ్యాన్స్ తో అల్లరి అల్లరి చేస్తున్నారు. వెంకటేష్ ప్రస్తుతం చేస్తున్న సైంధవ్ సినిమా ఈవెంట్ లో వెంకీ మామ జోష్ చూస్తే ఫ్యాన్స్ కి ముచ్చటేస్తుంది. ఎప్పుడు లేని నూతన ఉత్సాహంతో వెంకటేష్ అదరగొట్టేస్తున్నారు.

వెంకటేష్ లోని ఈ జోష్ ని దగ్గుబాటి ఫ్యాన్స్ కూడా సూపర్ గా ఎంజాయ్ చేస్తున్నారు. సైంధవ్ ప్రమోషన్స్ లో భాగంగా వైజాగ్ లో నిర్వహించిన ఈవెంట్ లో కూడా వెంకటేష్ స్పీచ్ కి ఫ్యాన్స్ అంతా సూపర్ గా ఎంటర్టైన్ అయ్యారు. తన మొదటి సినిమా నుంచి వైజాగ్ తో తనకు సంబంధం ఉందని.. తన సూపర్ హిట్ సినిమాలన్నీ కూడా ఇక్కడ షూట్ చేశామని అన్నారు.

ఇక సైంధవ్ గురించి చెబుతూ ఇది మరోసారి మహిళలు అందరినీ ఏడిపిస్తుందని.. తప్పకుండా తన నుంచి వస్తున్న మంచి సినిమాగా సైంధవ్ గురించి చెప్పారు వెంకటేష్. శైలేష్ కొలను డైరెక్షన్లో తెరకెక్కిన సైంధవ్ సినిమాను నిహారిక ఎంటర్టైన్మెంట్స్ బ్యానర్ లో వెంకట్ బోయినపల్లి నిర్మించారు. ఈ సినిమాలో శ్రద్ధ శ్రీనాథ్, రుహాని శర్మ, ఆండ్రియాతో పాటుగా సారా పాప కూడా ఇంపార్టెంట్ రోల్స్ లో నటించారు. విక్టరీ వెంకటేష్ నుంచి చాలా కాలం తర్వాత వస్తున్న యాక్షన్ సినిమా సైంధవ్. ఈ సినిమా విషయంలో వెంకటేష్ చాలా కాన్ఫిడెంట్ గా ఉన్నారు. సినిమా తప్పకుండా తన ఫ్యాన్స్ ని అలరిస్తుందని నమ్మకంగా చెబుతున్నారు వెంకటేష్.

హిట్ ఫ్రాంచైజ్ లతో మెప్పించిన డైరెక్టర్ శైలేష్ కొలను వెంకటేష్ తో ఒక క్రేజీ అటెంప్ట్ చేశారు. సినిమా ప్రచార చిత్రాలన్నీ కూడా అంచనాలు పెంచగా సంక్రాంతికి సినిమా ఎలాంటి ఫలితాన్ని అందుకుంటుందో చూడాలి.