అర్జున్ రెడ్డి కాంబో.. ఆ రేంజ్ ప్లానింగ్..!
విజయ్ దేవరకొండ సందీప్ వంగా ఈ ఇద్దరి కాంబినేషన్ లో వచ్చిన అర్జున్ రెడ్డి ఎంతటి సంచలన విజయం అందుకుందో తెలిసిందే.
విజయ్ దేవరకొండ సందీప్ వంగా ఈ ఇద్దరి కాంబినేషన్ లో వచ్చిన అర్జున్ రెడ్డి ఎంతటి సంచలన విజయం అందుకుందో తెలిసిందే. విజయ్ దేవరకొండకి స్టార్ డం వచ్చేలా చేసిన ఆ సినిమా డైరెక్టర్ గా సందీప్ టాలెంట్ కూడా అందరికీ తెలిసేలా చేసింది. ఆ తర్వాత అదే సినిమాను హిందీలో రీమేక్ చేసి అక్కడ కూడా సూపర్ హిట్ అందుకున్నాడు సందీప్ వంగ. ప్రస్తుతం రణ్ బీర్ కపూర్ తో యానిమల్ సినిమా చేస్తున్న సందీప్ వంగ ఆ సినిమా తర్వాత వరుసగా 3 ప్రాజెక్ట్ లు లైన్ లో పెట్టాడు.
ఆల్రెడీ ప్రభాస్ తో స్పిరిట్ అనౌన్స్ చేసిన సందీప్ వంగా రీసెంట్ గా అల్లు అర్జున్ తో కూడా సినిమా ఒకటి కన్ ఫర్మ్ చేశాడు. ఇక ఈ రెండిటితో పాటుగా అర్జున్ రెడ్డి కాంబోని రిపీట్ చేస్తున్నాడు సందీప్. విజయ్ దేవరకొండతో ఒక సినిమా ప్లానింగ్ లో ఉన్నాడని తెలుస్తుంది. విజయ్ సందీప్ సినిమా అనగానే ఆడియన్స్ లో కూడా అంచనాలు ఓ రేంజ్ లో ఉన్నాయి. అర్జున్ రెడ్డి కాదు అంతకు మించి అనిపించేలా సందీప్ ఈ ప్రాజెక్ట్ ప్లాన్ చేస్తున్నాడట.
తన సినిమాల్లో పాత్రల స్వభావాలు.. హీరో క్యారెక్టరైజేషన్ తో తన డైరెక్షన్ టాలెంట్ చూపిస్తున్నాడు సందీప్ వంగ. కచ్చితంగా విజయ్ తో సినిమాలో ఈసారి మ్యాడ్నెస్ పీక్స్ లో ఉండేలా హీరో క్యారెక్టరైజేషన్ ఉంటుందని చెబుతున్నారు. ఆల్రెడీ సందీప్ వంగా లైన్ రెడీ చేసి పెట్టుకున్నాడట. త్వరలోనే ఈ సినిమా అనౌన్స్ మెంట్ తో పాటుగా ఎప్పుడు షూటింగ్ స్టార్ట్ అవుతుందన్న అప్డేట్ కూడా ఇస్తారని తెలుస్తుంది. సందీప్ వంగా ప్రభాస్, అల్లు అర్జున్, విజయ్ ఇలా పాన్ ఇండియా సినిమాలతో స్టార్ డైరెక్టర్ లిస్ట్ లో చేరిపోయాడు.
సందీప్ విజయ్ ఇద్దరు కలిసి వారి ప్రపంచంలోకి ప్రేక్షకులను తీసుకెళ్లాలని ఫిక్స్ అయ్యారు. ఖుషితో ఐదేళ్ల తర్వాత హిట్ జోష్ లో ఉన్న విజయ్ దేవరకొండ త్వరలోనే సందీప్ సినిమా సెట్స్ మీదకు వెళ్లేలా ఏర్పాట్లు చేస్తున్నాడట. మరి అర్జున్ రెడ్డి కాంబో ఈసారి అర్జున్ రెడ్డికి ఎన్ని రెట్లు ఉండే సినిమా చేస్తారన్నది చూడాలి. విజయ్ సినిమాల లైనప్ తో ఆయన ఫ్యాన్స్ కూడా సూపర్ ఎగ్జైటింగ్ గా ఉన్నారు. ఖుషి తర్వాత విజయ్ దేవరకొండ పరశురామ్ కాంబోలో వస్తున్న సినిమా 2024 సంక్రాంతికి రిలీజ్ ప్లాన్ చేస్తున్నారు.