పిక్ టాక్ : ఫ్యామిలీ స్టార్ దీపావళి స్పెషల్‌ చూశారా?

ఏ పండుగ వచ్చినా కూడా టాలీవుడ్ లో సందడి మాత్రం కామన్ గా ఉంటూనే ఉంటుంది. వెలుగులు పంచే దీపావళి పండుగ కి ఎప్పటిలాగే తెలుగు సినిమా ఇండస్ట్రీలో సందడి వాతావరణం కనిపించింది. సినిమాలు విడుదల అవ్వలేదు కానీ సినీ ప్రేమికుల కోసం పోస్టర్స్‌, పాటలు, టీజర్స్ ఇలా చాలానే వచ్చాయి.

అందులో ఒకటి 'ఫ్యామిలీ స్టార్‌' పోస్టర్‌. రౌడీ స్టార్‌ విజయ్‌ దేవరకొండ హీరోగా మృణాల్ ఠాకూర్ హీరోయిన్ గా రూపొందిన ఫ్యామిలీ స్టార్‌ సినిమా నుంచి ఆకట్టుకునే పోస్టర్‌ వచ్చింది. విజయ్ మరియు మృణాల్‌ కలిసి దీపావళి పండుగ జరుపుకుంటున్నట్లుగా చిచ్చుబుడ్డి వెలిగిస్తున్న ఫోటోను సందర్భానుసారంగా 'ఫ్యామిలీ స్టార్‌' నుంచి విడుదల చేయడం జరిగింది.

పరశురామ్ దర్శకత్వంలో రూపొందుతున్న ఈ సినిమా పై అంచనాలు భారీగా ఉన్నాయి. ఇటీవల విడుదల అయిన టీజర్ కి మంచి రెస్పాన్స్ వచ్చింది. గీత గోవిందం రేంజ్ లో మరో విజయాన్ని విజయ్ మరియు పరశురామ్ లు దక్కించుకోబోతున్నారు అంటూ ఫ్యాన్స్ చాలా నమ్మకంతో కనిపిస్తున్నారు.

ఇలాంటి పోస్టర్స్ సినిమా పై అంచనాలు మరింతగా పెంచుతూనే ఉన్నాయి అన్నట్లుగా సోషల్ మీడియాలో జనాలు మాట్లాడుకుంటున్నారు. ఈ సినిమా చాలా ప్రత్యేకంగా ఉంటుంది అనిపిస్తుంది. ఎందుకంటే ఈ సినిమా లో విజయ్‌ దేవరకొండ గతంలో గీత గోవిందం లో ఎలా అయితే కనిపించాడో అలా కనిపిస్తున్నాడు. కనుక విజయం పక్కా అంటున్న వారు కూడా ఉన్నారు.

దిల్ రాజు నిర్మిస్తున్న ఈ సినిమాను సంక్రాంతికి విడుదల చేయబోతున్న విషయం తెల్సిందే. దీపావళి పోస్టర్ తర్వాత సినిమా పై మరింతగా పాజిటివ్ బజ్‌ క్రియేట్ అవ్వడంతో పాటు, తప్పకుండా భారీ ప్రీ రిలీజ్ బిజినెస్ అయ్యే అవకాశాలు కనిపిస్తున్నాయి అంటూ సినీ విశ్లేషకులు అభిప్రాయం వ్యక్తం చేస్తున్నారు.