అలా ఎలా చేశారు సార్? విశ్వక్ ప్రశ్నకు షాక్ అయిన సూర్య

స్టార్డంతో సంబంధం లేకుండా తమకంటూ ప్రత్యేకమైన గుర్తింపు తెచ్చుకున్న మిడ్ రేంజ్ హీరోలు ఎందరో మన ఇండస్ట్రీలో ఉన్నారు. అడవి శేష్, సిద్దు జొన్నలగడ్డ,విశ్వక్సేన్ లాంటి హీరోలకి ప్రస్తుతం ఉన్న క్రేజ్ ఎలాంటిదో అందరికీ తెలుసు. వాళ్లు తీసేవి చిన్న సినిమాలా ..పెద్ద సినిమాలా అన్న తేడా లేకుండా ప్రేక్షకులు ఆదరిస్తారు. మరీ ముఖ్యంగా విశ్వక్సేన్ ఎక్కడ ఉంటే అక్కడ ఫుల్ జోష్ ఉంటుంది. ఎప్పటికప్పుడు పలు రకాల ఈవెంట్స్ లో పాల్గొంటూ విశ్వక్ అందరినీ ఎంటర్టైన్ చేస్తూనే ఉంటాడు. అతను స్టేజ్ ఎక్కాడు అంటే వేసే పంచ్ లు ఓ రేంజ్ లో ఉంటాయి.. అంతేకాదు అవి మీమర్స్ కి బూస్ట్ తాగినంత ఎనర్జీని ఇస్తాయి.

విశ్వక్ ఎప్పుడు ఏది మాట్లాడినా అది సోషల్ మీడియాలో వైరల్ అవ్వాల్సిందే.. తాజాగా సూర్య కంగువ సినిమా ప్రీ రిలీజ్ ఈవెంట్ లో పాల్గొన్న విశ్వక్ కొన్ని సంచలన వ్యాఖ్యలు చేశారు. ప్రస్తుతం ఇవి సోషల్ మీడియాలో వైరల్ అవుతున్నాయి. కంగువ ఫ్రీ రిలీజ్ ఈవెంట్లో రాజమౌళి, సూర్య మధ్య ఉన్న అనుబంధం అందరికీ తెలిసింది. అంతేకాదు ఈ ఇద్దరి కాంబోలో ఓ చిత్రం రావాల్సింది.. కానీ కొన్ని కారణాల వల్ల తప్పిపోయింది అన్న విషయం కూడా ఫస్ట్ టైం వెలుగులోకి వచ్చింది.

ఇక జక్కన్న తర్వాత ఆ ఈవెంట్లో హైలెట్గా నిలిచిన వ్యక్తి ఎవరు అంటే విశ్వక్ అనడంలో డౌట్ లేదు. మరి ముఖ్యంగా సూర్యాని ఉద్దేశించి అతడు అడిగిన ఓ ప్రశ్నకు సంబంధించిన వీడియో ఇప్పుడు సోషల్ మీడియాలో హల్చల్ చేస్తోంది. తన స్పీచ్ మధ్యలో సూర్యాని సరదాగా విశ్వక్ ఓ ప్రశ్న అడిగాడు.. దానికి బదులుగా ఆడిటోరియం మొత్తం నవ్వులతో నిండిపోయింది. ఇంతకీ అతను అడిగినా ప్రశ్న ఏంటో తెలుసా?

సూర్య నటించిన సింగం సిరీస్ ఏ రేంజ్ సక్సెస్ సాధించిందో అందరికీ తెలుసు. అందులో సెకండ్ పార్ట్ సింగం 2 లో ఓ సన్నివేశంలో విలన్ ఇల్లు కోసం వెతుకుతుంటాడు సూర్య. అదే సమయంలో దారిన పోయే ఒక వ్యక్తిని ఇంటి అడ్రస్ కోసం అడుగుతాడు. అయితే అతను తనకు ఇంటి అడ్రస్ తెలీదు అనడంతో కోపంలో ఉన్న సూర్య అతన్ని పట్టుకొని కొడతాడు. అసెంబ్లీ స్క్రీన్ పైన ప్లే చేయించిన విశ్వక్ అలా అడ్రస్ చెప్పకపోతే కొడతారా సార్ అంటూ సూర్యను ప్రశ్నించారు. అంతేకాదు మీరు అలా ఎందుకు కొట్టారో తెలుసుకోవాలని మా తెలుగు ప్రేక్షకులు ఎప్పటినుంచో ఎదురుచూస్తున్నారు.. ఇప్పటికైనా రీసన్ చెబుతారా అని ప్రశ్నించాడు.

అనుకోకుండా ఎదురైన ఈ ప్రశ్నకు సూర్య పగలబడి నవ్వాడు. అయితే ఈ విషయానికి ఆన్సర్ తన దగ్గర కూడా లేదని.. ఆ మూవీని డైరెక్ట్ చేసిన డైరెక్టర్ హరిణి అడిగి తెలుసుకుని చెబుతానని సమాధానం ఇచ్చారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతుంది.