వైవ హ‌ర్ష‌పై రాజ‌కీయాలు చేస్తున్నారా?

క‌మెడియ‌న్ వైవా హ‌ర్ష ఇటీవ‌ల సోష‌ల్ మీడియాలో ఓ ఎమోష‌న‌ల్ పోస్ట్ చేసిన సంగ‌తి తెలిసిందే.' లైఫ్ రోల‌ర్ కోస్ట‌ర్ రైడ్ లాంటింది. ఎత్తు ప‌ల్లాలుంటాయి. ఎగ్జైట్ మెంట్..చిరాకు, భ‌యం, థ్రిల్ అన్ని ఉంటాయి. కానీ ఏవీ మ‌న చేతిలో ఉండ‌వు. మ‌న‌ల్ని ఆప‌డానికి వ‌స్తాయి. మ‌ళ్లీ వెళ్లిపోతాయి. అప్ప‌టివ‌ర‌కూ బ‌కెల్ ప‌ట్టుకుని రైడ్ ని ఎంజాయ్ చేయాల్సిందే అన్నాడు.

'జీవితంలో ఏదీ ఆశించ‌కూడ‌దు. జీవితం ఎటు వెళ్తే అటు పోవ‌డ‌మే అని ఓ పోస్ట్ పెట్టాడు. అది చూసి నెటిజ‌నులు కంగారు ప‌డ్డారు. కొంద‌రైతే విడాకులు తీసుకుంటున్నాడా? అని పోస్టులు పెట్టారు. తాజాగా దీనిపై క్లారిటీ ఇచ్చాడు. వ్య‌క్తిగ‌త జీవితం సంతోషంగానే ఉంది. కెరీర్లో ఆటంకాలు ఎదుర‌వు తున్నాయ‌న్నాడు. దీనికి సంబంధించి మ‌రో పోస్ట్ పెట్టాడు. 'కింద ప‌డ‌తాం లేస్తాం.

ప‌డిన ప్ర‌తీసారి ఇంకా బ‌లంగా ముందుకు సాగుతాం. నా గ‌త పోస్ట్ గురించి ఆరా తీస్తున్న వారికి కృత‌జ్ఞ‌త‌లు. నా గురించి తెలుసుకోవాల‌ని ఇంత మంది చూస్తున్నారా? అని నాకే ఆశ్చ‌ర్యంగా ఉంది. సంతోషంగానూ ఉంది. వ్య‌క్తిగ‌త జీవితంలో సంతోషంగా ఉన్నాను. కానీ ప‌ని విష‌యంలోనే ప‌నిక‌మాలిన రాజ‌కీయాలు చేస్తున్నారు. దాని వ‌ల్లే ఇబ్బంది ప‌డుతున్నా. అయినా రాజ‌కీయాలు ప్ర‌తీ చోటా ఉండేవే.

ఇది నీవ‌ల్ల కాదు..నువ్వు చెయ్య‌లేవు అని ఎవ‌రితోనో అనిపించుకునే స్థాయికి రాకండి. ఒంట‌రిగా ఒక్క‌రే పూర్తి చేయండి. చేయ‌గ‌ల‌ను అనే విశ్వాసంతో ఉండండి. నాకెన్ని ఇబ్బందులు ఎదురైనా బ‌లంగా తిరిగొస్తాను. జీవిత‌మంటే ఇంతే. దానికి ఎవ‌రూ ఎదురీద‌లేరు' అని అన్నాడు. వైవా హ‌ర్ష‌కి క‌మెడియ‌న్ గా మంచి పేరున్న సంగతి తెలిసిందే. మ‌రి అత‌డిపై వృత్తిప‌రంగా ఏవైనా రాజ‌కీయాలు జ‌రుగుతున్నాయా? అన్న‌ది తెలియాలి.