అనుష్క శర్మ ఆనందాన్ని అలా పంచుకుంది... నిక్ నేం వైరల్!

ఐసీసీ వన్ డే ప్రపంచకప్ 2023లో భాగంగా టీం ఇండియా తన దూకుడు ప్రదర్శిస్తున్న సంగతి తెలిసిందే. ఇప్పటికే వరుసగా ఆస్ట్రేలియా, ఆఫ్ఘనిస్థాన్, పాకిస్థాన్, బంగ్లాదేశ్ లను ఓడించిన భారత్... ఆదివారం న్యూజిలాండ్‌ తో జరిగిన మ్యాచ్‌ లోనూ గెలిచింది. ఇందులో భాగంగా కివీస్ పై భారత్ 4 వికెట్ల తేడాతో అద్భుత విజయం సాధించింది. ఈ మ్యాచ్ లో కూడా తనదైన ఫెర్మార్మెన్స్ చూపించిన కొహ్లీకి... అతడి సతీమణి అనుష్క శర్మ ఓ నిక్ నేం పెట్టారు. ఇప్పుడు అది హాట్ టాపిక్ గా మారింది.

రెండు టీం లూ చెరో నాలుగు మ్యాచ్ లు గెలిచి ఫుల్ ఫాంలో ఉండటంతో... భారత్ - కివీస్ మ్యాచ్ పై భారీ అంచనాలే నెలకొన్నాయి. ఈ క్రమంలో... ఈ మ్యాచ్‌ లో తొలుత బ్యాటింగ్‌ చేసిన కివీస్ నిర్ణీత 50 ఓవర్లల్లో 273 పరుగులకు ఆలౌట్ అయింది. న్యూజిలాండ్ బ్యాటర్స్ లో డారిల్ మిఛెల్ (130) సెంచరీతో రాణించగా... రచిన్ రవీంద్ర (75) హాఫ్ సెంచరీతో సహకారమందించాడు.

ఇక ఈ టోర్న మెంట్ లో ఫస్ట్ మ్యాచ్ ఆడుతున్న భారత పేసర్ మహ్మద్ షమీ బంతితో చెలరేగాడు. కళ్లు చెదిరే యార్కర్లతో విజృంభించాడు. ఫలితంగా 5 వికెట్లతో సత్తాచాటాడు. ఆపై భారత్ 48 ఓవర్లలో 6 వికెట్లకు 274 పరుగులు చేసి విజయం సాధించింది. ఛేదనలో భాగంగా ఓపెనర్లు రోహిత్ శర్మ (46), శుభ్‌ మన్ గిల్ (26) ధాటిగా ఆడుతూ స్కోర్ బోర్డ్‌ ను పరుగులెత్తించారు.

తర్వాత ఈ ఇద్దరు వెంటవెంటనే అవుట్ అయినప్పటికీ.. కోహ్లీ క్రీజులో ఉండడంతో భారత్ అభిమానులు విజయంపై ధీమాగా ఉన్నారు. అనంతరం శ్రేయాస్ అయ్యర్, కేఎల్ రాహుల్, సూర్యకుమార్ లు ఒకరితర్వాత ఒకరు పెవిలియన్ కు క్యూ కట్టడంతో భారం మొత్తం కొహ్లీపై పడింది. ఈ సమయంలో విరాట్ కు జడేజా జతకలిశాడు. వీరిద్దరూ కీలక భాగస్వామ్యం నెలకొల్పారు.

ఇందులో భాగంగా... విరాట్ కోహ్లీ (95: 104 బంతుల్లో 8 ఫోర్లు, 2 సిక్సర్లు), జడేజా (39*: 44 బంతుల్లో 3 ఫోర్లు, 1 సిక్స్‌) కీలక ఇన్నింగ్స్ ఆడారు. అయితే బంగ్లాదేష్ పై ఆడినట్లుగా సిక్స్ కొట్టి అటు సెంచరీ, ఇటు విక్టరీ సాధిస్తాడని ఆశించినప్పటికీ... అదీ సాధ్యం కాలేదు. 95 పరుగుల వ్యక్తిగత స్కో ర్ వద్ద భారీ షాట్ ఆడిన కొహ్లీ, గ్లెన్ ఫిలిప్స్‌ కు క్యాచ్ ఇచ్చి అవుట్ అయ్యాడు.

ఇలా ఈ వరల్డ్ కప్ లో చెలరేగి ఆడుతున్నాడు కొహ్లీ. ఇందులో భాగంగా... గత 5 మ్యాచుల్లో కోహ్లీ 354 పరుగులు చేశాడు. ఇందులో ఒక సెంచరీ, మూడు హాఫ్ సెంచరీలు ఉన్నాయి. ఈ క్రమంలో ఛేజింగ్ అంటే ఇష్టమని పలుమార్లు చెప్పిన కొహ్లీకి... కివీస్ ఇన్నింగ్స్ అనంతరం అతడి సతీమణి అనుష్క శర్మ ఓ నిక్ నేం పెట్టారు.

అందులో భాగంగా "స్టార్మ్ ఛేజర్" అని అనుష్క తన ఇన్‌ స్టాగ్రామ్‌ లో ఓ పోస్ట్‌ ను షేర్ చేశారు. దీనికి కోహ్లీ ఫొటోను జత చేశారు. ఈ పోస్ట్ ఇప్పుడు సోషల్ మీడియాలో వైరల్ అవుతోంది. ఫాన్స్ కూడా కరెక్ట్ నిక్ నేం పెట్టారని కామెంట్స్ చేస్తున్నారు.

కాగా... కివీస్ పై కొహ్లీ ఫెర్మార్మెన్స్ అనంతరం స్పందించిన యువరాజ్ సింగ్... కొహ్లీని పొగడ్తలతో ముంచేత్తిన సంగతి తెలిసిందే. ఇందులో భాగంగా... జీ.ఓ.ఏ.టీ. (గ్రేటెస్ట్‌ ఆఫ్‌ ఆల్‌ టైం) అని ప్రశంసించాడు.