షాకింగ్... పక్క సీట్లో శవంతో విమాన ప్రయాణం!

సాధారణంగా... బస్సులోనో, ట్రైన్ లోనో ప్రయాణిస్తున్నప్పుడు పక్కనున్న వారు తుమ్మినా, దగ్గినా.. అసౌకర్యంగా అనిపిస్తుంటుంది. వారు ఉన్నంతలో పద్దతిగా లేకపోతే తీవ్ర ఇబ్బందిగా అనిపిస్తుంటుంది. అలాంటిది... విమానంలో ప్రయాణిస్తున్న సమయంలో పక్కన ఏకంగా శవమే ఉంటే..? ఆ పరిస్థితి తాజాగా ఓ జంటకు ఎదురైంది.

సరదాగా హాలిడే ఎంజాయ్ చేద్దామని బయలు దేరింది ఓ జంట. దీంతో... విమానంలో ప్రయాణం మొదలుపెట్టింది. ఈ సమయంలో వారి పక్క సీట్లో మరో మహిళ ఉన్నారు. అయితే.. కాసేపటికి ఆమె చనిపోయారు. ఈ విషయం విమానంలో సిబ్బందికి చెబితే.. ఆమె సీటు మార్చలేదు, వీరి సీటూ మార్చలేదు.. అలానే నాలుగు గంటలు ప్రయాణం చేసింది ఆ జంట.

అవును... వెనిస్ లో హాలిడే గడిపేందుకు మిషెల్ రింగ్, జెన్నిఫర్ కోలిన్ లు మెల్ బోర్న్ నుంచి దోహా వెళ్లే విమానం ఎక్కారు. ఈ సమయంలో... తమ పక్కన కూర్చున్న ఓ మహిళ విమానంలోనే మరణించారని ఆ జంట తెలిపింది. ఆమె చనిపోయిందని చెప్పిన తర్వాత.. విమానంలో సిబ్బంది ఆమెను మరో చోటకి పంపలేదు.. తమకు మరో ఆప్షన్ ఇవ్వలేదని తెలిపింది.

ఆమె మరణించారని చెప్పగానే.. వెంటనే వచ్చి ఆమెపై ఓ దుప్పటి కప్పి వెళ్లిపోయారని.. విమానంలో చాలా సీట్లు ఖాళీగా ఉన్నప్పటికీ అందులో కూర్చునేందుకు తమను అనుమతించలేదని మిషెల్ రింగ్ తెలిపారు. దీంతో... సుమారు నాలుగు గంటల పాటు తాము మృతదేహం పక్కనే కూర్చుని ప్రయాణించాల్సి వచ్చిందని మండిపడ్డారు.

దీంతో... ఆ జంటకు కలిగిన అసౌకర్యానికి క్షామాపణలు చెప్పింది ఖతార్ ఎయిర్ వేసి.. ఈ మేరకు ప్రకటన జారీ చేసింది. ఇదే సమయంలో.. ఆ జంటను సంప్రదించేందుకు ప్రయత్నాలు చేస్తున్నట్లు తెలిపింది. అయితే... తమను ఖతర్ ఎయిర్ వేస్ కానీ.. టిక్కెట్లు బుక్ చేసిన ఖాంటాస్ సంస్థ కానీ సంప్రదించలేదని ఆ జంట స్పష్టం చేసింది.

ఈ సందర్భంగా... ఇలాంటి పరిస్థితులు ఏర్పడినప్పుడు విమానంలో ఉన్న ప్రయాణికుల విషయంలో అనుసరించాల్సిన నియమావళిని ఏర్పాటు చేయడం అవసరమని రింగ్, కోలిన్ అభిప్రాయపడ్డారు.