స‌చిన్ ఖాతా నుంచి అత‌డికి సారా శుభాకాంక్ష‌లు?

టీమిండియా బ్యాట్స్‌మెన్ శుభ్‌మన్ గిల్ ఈరోజు తన పుట్టినరోజు జరుపుకున్నాడు. యువ‌క్రికెట‌ర్ ఇప్పుడు శ్రీలంకలో జరుగుతున్న‌ ఆసియా కప్ 2023లో ఆడుతున్న టీమిండియా జట్టులో ఉన్నాడు. శుభమాన్ గిల్ భార‌త‌దేశంలో అత్యంత ప్రతిభావంతుడైన ఆట‌గాళ్ల‌లో ఒకరిగా నిరూపించాడు. విరాట్ కోహ్లి , సచిన్ టెండూల్కర్ నుండి లెగ‌సీని అందిపుచ్చుకుని జ‌ట్టును ముందుకు న‌డిపించే సత్తా అతడికి ఉందని అభిమానులు నమ్ముతున్నారు. అయితే కొంత‌కాలంగా కొన్ని ఒడిదుడుకుల‌ను ఎదుర్కొంటున్నాడు. నిజానికి భారత క్రికెట్ జ‌ట్టు ఇటీవ‌ల కొన్ని ప‌రీక్ష‌ల‌ను ఎదుర్కొంటోంది.

ఇలాంటి స‌మ‌యంలోను శుభ్‌మన్ గిల్‌కి బ‌ర్త్ డే శుభాకాంక్షలు చెబుతూ సచిన్ టెండూల్కర్ చేసిన ట్వీట్ చూసిన నెటిజన్లు సారా టెండూల్కర్ గురించి ప్ర‌స్థావిస్తూ మీమ్స్‌ని వైర‌ల్ చేస్తున్నారు. ఎట్టకేలకు యువాట‌గాగికి శుభాకాంక్షలు చెప్పారని లెజెండరీ క్రికెట‌ర్ స‌చిన్ ని ఆటపట్టించారు. శుభ్ మాన్ కి లెజెండ్ విషెస్ చెప్ప‌డంతో అభిమానులు ఆనందించారు. సారా టెండూల్కర్ తన తండ్రికి చెందిన ఎక్స్ (ట్విట్ట‌ర్) ఖాతా నుండి అతనికి శుభాకాంక్షలు తెలిపిందా? అని కొందరు ఆటపట్టించడం ప్రారంభించారు.

నిజానికి సారా టెండూల్కర్ - శుభ్‌మాన్ గిల్ జంటను క‌లుపుతూ లింక్ అప్ పుకార్లు గ‌తంలో వైరల్ అయ్యాయి. కానీ అవన్నీ నిరాధార వార్త‌లు. ఛామింగ్ యువ‌క్రికెట‌ర్ శుభ్ మాన్ సారా అలీ ఖాన్ .. సారా టెండూల్కర్ ఇద్దరితో ప్రేమాయ‌ణం సాగించిన‌ట్టు చాలా కాలంగా గాసిప్పులు ఉన్నాయి. స‌ద‌రు అమ్మాయిలిద్దరూ కొన్ని సందర్భాల్లో అతడితో క‌లిసి కనిపించడ‌మే దీనికి కార‌ణం. అయితే యువ‌క్రికెట‌ర్ తో వారి సంబంధంపై స్ప‌ష్ట‌మైన ఆధారాలేవీ లేవు.

అయితే సారా టెండూల్కర్ ఇప్పటివరకు సోషల్ మీడియాలో శుభ్ మాన్ కి శుభాకాంక్షలు చెప్పలేదనే విష‌యాన్ని గమనించాలి. పంజాబ్‌కు చెందిన యువ ప్ర‌తిభావంతుడు శుభ్ మాన్ గతేడాది అహ్మదాబాద్‌లో తనదైన ఆట‌తీరుతో యావత్ ప్రపంచాన్ని ఉర్రూతలూగించాడు. అప్ప‌ట్లోనే శుభమాన్ గిల్ తన క్రష్ రష్మిక మందన్న అని చెప్పినట్లు వార్తలు వైరల్ అయ్యాయి. ఇలాంటి వార్తలు నిత్యం ఎలా వ్యాపిస్తున్నాయో తనకు తెలియదని కూడా అత‌డు అన్నారు.