సైఫ్ పై దాడి కేసు... దొంగతనానికి వెళ్తూ కత్తి దొంగిలించుకెళ్లాడు!

బాలీవుడ్ నటుడు సైఫ్ అలీఖాన్ పై బాంధ్రాలోని తన నివాసంలో జరిగిన దాడిలో తీవ్రంగా గాయపడి రెండు రోజుల క్రితం హాస్పటల్ నుంచి డిశ్చార్జ్ అయిన సంగతి తెలిసిందే. ఈ ఘటనలో సైఫ్ పై దాడి చేసినట్లు చెబుతున్న నిందితుడు పట్టుబడటం, అతడిని కోర్టులో హాజరుపరచడం, అతడిని న్యాయస్థానం ఐదు రోజు పోలీస్ కస్టడీకి ఇవ్వడం తెలిసిందే.

ఈ సమయంలో పోలీసులు నిందితుడితో క్రైమ్ సీన్ రీక్రియేషన్ చేస్తున్నారు! ఈ సమయంలో ఆసక్తికర విషయాలు వెలుగులోకి వస్తున్నాయి. ఇందులో భాగంగా.. తాజాగా సైఫ్ పై దుండగుడు దాడి చేసిన సమయంలో ఉపయోగించిన కత్తి గురించి ఆసక్తికర విషయాలు తెరపైకి వచ్చాయి. ఇందులో భాగంగా ఆ కత్తి ఎక్కడిది?

అది ఘటనలో వాడిన ఆ కత్తి మూడు ముక్కలవ్వడం.. తాజాగా మూడో ముక్క ఆచూకీ దొరకడం జరిగిందని చెబుతున్నారు. ఇందులో భాగంగా... సైఫ్ పై దాడి సమయంలో దుండగుడు వాడిన కత్తిని.. అతడు ఓ హోటల్ నుంచి దొంగిలించాడంట. ఈ విషయం తాజాగా వెలుగులోకి వచ్చింది. మూడు ముక్కల మేటర్ తెలిసింది.

ఇందులో భాగంగా.. ఆ కత్తిలో ఒక ముక్క సైఫ్ వీపులో ఇరుక్కుపోగా.. దాన్ని ఆపరేషన్ చేసి వైద్యులు వెలికి తీశారు. ఇక రెండో ముక్క నటుడి ఇంట్లోనే దొరికింది. ఈ నేపథ్యంలో తాజాగా మూడో ముక్కను పోలీసులు స్వాధీనం చేసుకున్నట్లు తెలుస్తోంది. దాడి అనంతరం నడుచుకుంటూ వెళ్లిన నిందితుడు సుమారు ఒకటిన్నర కి.మీ. దూరంలో ఉన్న చిన్న చెరువు వద్ద దాన్ని పాడేసి వెళ్లాడట.

ఈ సమయంలో సీన్ రిక్రియేషన్ లో భాగంగా నిందితుడిని బాంద్రాలోని చెరువు వద్దకు తీసుకెళ్లగా ఆ ఆయుధాన్ని చూపించాడని.. దాన్ని పోలీసులు సేకరించారని అంటున్నారు. ఇదే సమయంలో.. నిందితుడు ఫకీర్ దాడికి ముందు, దాడి తర్వాత దుస్తులు మార్చి తిరిగినట్లు సీసీ కెమెరాల్లో దృశ్యాలు వెలుగులోకి రాగా.. వాటిని కూడా పోలీసులు స్వాధీనం చేసుకున్నట్లు చెబుతున్నారు.

ఈ నేపథ్యంలోనే... ఈ ఘటనలో దుండగుడు వాడిన కత్తిని ఓ హోటల్ నుంచి దొంగిలించినట్లు పోలీసులు చెబుతున్నారు! దానికి సంబంధించిన మూడు ముక్కలను పోలీసులు తాజాగా స్వాధీనం చేసుకున్నట్లు చెబుతున్నారు.