డైరెక్ట‌ర్ బాలాకు బిగ్ రిలీఫ్!
త‌మిళ స్టార్ డైరెక్ట‌ర్ బాలా త‌న కెరీర్ లో ఎన్నో సంచలన చిత్రాల‌ను తెర‌కెక్కించారు.
త‌మిళ స్టార్ డైరెక్ట‌ర్ బాలా త‌న కెరీర్ లో ఎన్నో సంచలన చిత్రాల‌ను తెర‌కెక్కించారు. ఆయన సినిమా తీస్తే దానిలోని ఘాడ‌మైన ఎమోష‌న‌ల్ కంటెంట్ హృద‌యాల‌ను తాకుతుంది. జాతీయ అవార్డ్ సినిమాల‌ను తెర‌కెక్కించిన దర్శకుడు ఆయన. బాలా తెర‌కెక్కించిన శివ‌పుత్రుడు (పితామగన్) అప్ప‌ట్లో ప‌లు అవార్డులు రివార్డులు అందుకోవ‌డమే గాక, క‌మ‌ర్షియ‌ల్ గాను బ్లాక్ బ‌స్ట‌ర్ అయింది.
అయితే ఈ సినిమా నిర్మాణంలో తనకు నష్టం వాటిల్లిందని నిర్మాత విఎ దురై చాలా ఏళ్ల క్రితమే కోర్టులో కేసు వేశారు. నిర్మాత తనకు 25 లక్షల రూపాయలు చెల్లించాలని దర్శకుడు బాలను డిమాండ్ చేశాడు. ఈ స్థితిలో గత ఏడాది విఎ దురై అనారోగ్య కారణాలతో కన్నుమూశారు. అయితే వీఏ దురై మరణించినప్పటి నుంచి ఆయన దాఖలు చేసిన కేసు విచారణ శరవేగంగా సాగుతోంది. ఇప్పుడు నిర్మాత వీఏ దురై వేసిన కేసును చెన్నై సిటీ లా కోర్టు కొట్టివేసింది. నిర్మాత వీఏ దురై.. బాలాపై కేసు పెట్టకముందు దర్శకుడు బాలా తనకు చాలా సందర్భాల్లో సాయం చేశాడని చెప్పుకొచ్చారు. అయితే వాటిని పరిగణనలోకి తీసుకోకుండా నిర్మాత విఎ దురై బాలాపై ఎందుకు కేసు పెట్టారనేది ఆశ్చర్యం కలిగిస్తోంది. ఎట్ట‌కేల‌కు సుదీర్ఘంగా పెండింగ్‌లో ఉన్న కేసు ఓ కొలిక్కి వచ్చింది.
శివ‌పుత్రుడు (పితామగన్) జాతీయ అవార్డుల సినిమా. 2003లో తమిళంలో విడుదలైన `పితామగన్`లో చియాన్ విక్రమ్ - సూర్య ప్రధాన పాత్రల్లో నటించారు. VA దురై నిర్మించిన ఈ చిత్రం బాక్సాఫీస్ వద్ద భారీ విజయాన్ని సాధించింది. చియాన్ విక్రమ్ ఉత్తమ నటుడిగా జాతీయ అవార్డును అందుకున్నాడు. ఇందులో సంగీత, లైలా న‌ట‌న‌కు మంచి పేరొచ్చింది. ఈ చిత్రం తెలుగులోను విడుద‌లై ఆక‌ట్టుకుంది. ముఖ్యంగా బాలా అసాధార‌ణ ద‌ర్శ‌క‌త్వ ప్ర‌తిభ‌కు ఇటు తెలుగులోను ప్ర‌త్యేకించి ఫాలోయింగ్ ఏర్ప‌డింది.
కొద్ది రోజుల గ్యాప్ లో బాలాకు వ‌రుస‌గా కోర్టుల్లో పెండింగ్ కేసులు క్లియ‌ర‌య్యాయి. పితామగన్ కేసు కాకుండా, మ‌రో కోర్టు కేసులోను బాలాకు ఊర‌ట ల‌భించింది. `వనంగన్`కు సంబంధించిన కేసును మద్రాస్ హైకోర్టు కొట్టివేసిన నేపథ్యంలో దర్శకుడు బాలాకు మంచి రోజులొచ్చాయి. ఇవి రిలీఫ్ డేస్ అని చెప్పాలి. హైకోర్టులో ఎస్. శరవణన్ దాఖలు చేసిన కేసులో `వణంగాన్` టైటిల్‌ను ఉపయోగించకుండా బాలలను నిరోధించాలని పిటిషనర్ కోర్టును డిమాండ్ చేశారు. అయితే ఇరుపక్షాల వాంగ్మూలాలను విన్న కోర్టు కేసును కొట్టివేసింది. టైటిల్‌ను ఉపయోగించడానికి బాలకు గ్రీన్ సిగ్నల్ ఇచ్చింది. అరుణ్ విజయ్ ప్రధాన పాత్రలో నటించిన `వనంగాన్` చిత్రాన్ని విడుదల చేయడానికి బాలా సన్నాహాలు చేస్తున్నారు. ఈ చిత్రాన్ని ఆగస్టులో విడుదల చేయాలనేది ప్లాన్.