త‌నదైన అందం న‌టప్ర‌తిభ‌తో ప్ర‌పంచ‌వ్యాప్తంగా ఉన్న అభిమానుల‌ను అల‌రిస్తూనే ఉన్నారు నయనతార. త‌లైవిగా ప్ర‌జ‌ల అభిమానం చూర‌గొన్నారు. ఇటీవ‌ల దర్శ‌కుడు విఘ్నేష్ శివన్ ని పెళ్లాడి సంసార జీవ‌నంలో సంతోషంగా గడుపుతున్న సంగ‌తి తెలిసిందే. ఈ జంట‌కు క‌వ‌ల‌లు జ‌న్మించారు. వృత్తిగ‌త వ్య‌క్తిగ‌త జీవితం ప‌రంగా నయన్ చాలా హాయిగా ఉన్నారు. ఇక ప్ర‌తి ఆదివారం తన కుమారుల‌తో నయనతార ఆట‌లు ఆడుతూ గ‌డుపుతుంటారు. అందుకు సంబంధించిన ఫోటోలు వీడియోల‌ను సోషల్ మీడియాల్లోను అప్ లోడ్ చేయడం చూస్తున్న‌ది. ఈ ఆదివారం తన కొడుకు ఉయిర్ తో ఆడుకుంటూ నయనతార కనిపించింది. తన భర్త విఘ్నేష్ శివన్ ఈ అందమైన ఫోటోని సోషల్ మీడియాలో అప్ లోడ్ చేశారు. ఈ ఫోటోగ్రాఫ్ అభిమానుల నుండి టన్నుల కొద్దీ ప్రేమను అందుకుంటోంది.
నయనతార నిజానికి సామాజిక మాధ్య‌మాల్లో యాక్టివ్ గా లేరు. కానీ విఘ్నేష్ శివన్ ఇన్ స్టాలో కుటుంబ జీవ‌నానికి సంబంధించిన ప్ర‌తిదీ అభిమానులు చూడగలుగుతున్నారు. విఘ్నేష్ క్రమం తప్పకుండా నయనతార తన కవల పిల్లలతో కలిసి ఉన్న‌ప్ప‌టి అందమైన ఫోటోలను షేర్ చేస్తూనే ఉన్నారు. అవ‌న్నీ అభిమానుల్లో వైర‌ల్ గా మారుతూనే ఉన్నాయి.
స‌రోగ‌సిలో క‌వ‌ల‌లు:
నయనతార -విఘ్నేష్ శివన్ సరోగసీ ద్వారా కవల మగబిడ్డలను స్వాగతించారు. విఘ్నేష్ తన ఇన్ స్టాలో ఇంత‌కుముందు ఈ విష‌యాన్ని అధికారికంగా ప్రకటించారు. విఘ్నేష్ నిరంత‌రం తన సోషల్ మీడియాల్లో కవలల ఫోటోలను షేర్ చేస్తూనే ఉన్నారు. క‌వ‌ల‌లు జ‌న్మించిన శుభ‌త‌రుణంలో నయన్ & నేను అమ్మ - అప్పగా మారాము అంటూ అత‌డు ఆనందం వ్య‌క్తం చేసాడు. వారి నవజాత శిశువుల పేర్ల‌ను కూడా అత‌డు ఇంత‌కుముందే వెల్లడించాడు. ఉయిర్ మరియు ఉలగం అంటూ పేర్లు చెప్పాడు.
కెరీర్ మ్యాట‌ర్ కి వ‌స్తే.. నయనతార తదుపరి `జ‌వాన్‌`లో కనిపించనుంది. కింగ్ ఖాన్ షారూఖ్ స‌ర‌స‌న నయన్ ఈ చిత్రంలో న‌టించింది. త‌న‌కు ఇది బాలీవుడ్ లో డెబ్యూ సినిమా. ఈ చిత్రం 7 సెప్టెంబరు 2023న గ్రాండ్ గా విడుదల కానుంది. మరోవైపు విఘ్నేష్ శివన్ తదుపరి చిత్రం `కత్తువాకుల రెండు కాదల్` విడుదల కావాల్సి ఉంది. అజిత్ 62వ చిత్రానికి విఘ్నేష్ దర్శకత్వం వహించాల్సి ఉంది. కానీ కొన్ని కారణాల వల్ల ఈ అవ‌కాశాన్ని మరొక దర్శకుడికి అప్పగించారు.