బాహుబలి సినిమాకు ఇంతవరకు ప్రశంసలు - కితాబులు - పురస్కారాలు తప్ప ఎక్కడా వ్యతిరేకత రాలేదు. కానీ, తాజాగా మాత్రం బాహుబలి-2కు చిక్కులు ఎదురవుతున్నాయి. తాజాగా ఈ సినిమాపై ప్రధాని నరేంద్రమోడీకే ఏకంగా ఫిర్యాదు చేశారు. సినిమా విషయంలో ప్రధానికి ఫిర్యాదు చేయాల్సినంత అవసరం ఏముందని అనుకుంటున్నారా.... జంతు హక్కులకు భంగం కలిగిస్తున్నారన్న కారణంతో ఈ సినిమాపై ప్రధానికి కంప్లయింటు అందింది.
బాహుబలి చిత్ర బృందంపై చర్య తీసుకోవాలని జంతు హక్కుల సంఘం హెరిటేజ్ యానిమల్ టాస్క్ ఫోర్స్ డిమాండ్ చేసింది. బాహుబలి-2 చిత్రం కోసం ఈ చిత్ర బృందం నిబంధనలకు విరుద్ధంగా ఏనుగును ఉపయోగించిందని ఆ సంస్థ ఆరోపించింది. జంతు సంక్షేమ బోర్డ్ (యానిమల్ వెల్ఫేర్ బోర్డ్ ఆఫ్ ఇండియా) నుంచి అనుమతి లేకుండా త్రిసూర్ లో ఆ సినిమా బృందం ఏనుగును షూటింగ్ కోసం ఉపయోగించుకుందని ఆ సంస్థ ఆరోపించింది. ఈ మేరకు ఆ సంస్థ ప్రధాని నరేంద్రమోడీకి ఒక లేఖ రాసింది. ఆ లేఖలో బాహుబలి చిత్ర దర్శకుడు - నిర్మాత రాజమౌళి పైనా - కెమేరామెన్ - ఆ ఏనుగు యజమాని - మావటిపైనా చర్య తీసుకోవాలని డిమాండ్ చేసింది.
మరి సినిమాయే కదా అని మోడీ దీన్ని చిన్నగా తీసుకుంటారా... లేదంటే జంతు హక్కులపై స్పందిస్తారో చూడాలి. మరో విషయం ఏంటంటే బాహుబలి-2 దర్శకుడు రాజమౌళికి మొన్నమొన్నే ప్రధాని పద్మశ్రీ పురస్కారం ప్రకటించారు. అలాంటి గర్వించదగ్గ వ్యక్తిపై చర్యలు ప్రధాని సిఫార్సు చేస్తారో లేదో చూడాలి.
బాహుబలి చిత్ర బృందంపై చర్య తీసుకోవాలని జంతు హక్కుల సంఘం హెరిటేజ్ యానిమల్ టాస్క్ ఫోర్స్ డిమాండ్ చేసింది. బాహుబలి-2 చిత్రం కోసం ఈ చిత్ర బృందం నిబంధనలకు విరుద్ధంగా ఏనుగును ఉపయోగించిందని ఆ సంస్థ ఆరోపించింది. జంతు సంక్షేమ బోర్డ్ (యానిమల్ వెల్ఫేర్ బోర్డ్ ఆఫ్ ఇండియా) నుంచి అనుమతి లేకుండా త్రిసూర్ లో ఆ సినిమా బృందం ఏనుగును షూటింగ్ కోసం ఉపయోగించుకుందని ఆ సంస్థ ఆరోపించింది. ఈ మేరకు ఆ సంస్థ ప్రధాని నరేంద్రమోడీకి ఒక లేఖ రాసింది. ఆ లేఖలో బాహుబలి చిత్ర దర్శకుడు - నిర్మాత రాజమౌళి పైనా - కెమేరామెన్ - ఆ ఏనుగు యజమాని - మావటిపైనా చర్య తీసుకోవాలని డిమాండ్ చేసింది.
మరి సినిమాయే కదా అని మోడీ దీన్ని చిన్నగా తీసుకుంటారా... లేదంటే జంతు హక్కులపై స్పందిస్తారో చూడాలి. మరో విషయం ఏంటంటే బాహుబలి-2 దర్శకుడు రాజమౌళికి మొన్నమొన్నే ప్రధాని పద్మశ్రీ పురస్కారం ప్రకటించారు. అలాంటి గర్వించదగ్గ వ్యక్తిపై చర్యలు ప్రధాని సిఫార్సు చేస్తారో లేదో చూడాలి.