దేశ‌స‌ర్వోన్న‌త న్యాయ‌స్థానం సుప్రీంకోర్టు ప్ర‌ధాన న్యాయ‌మూర్తి రంజన్ గొగొయ్ తాజాగా ఆస‌క్తిక‌ర వ్యాఖ్య‌లు చేశారు. ఓ చానెల్‌కు ఇచ్చిన ఇంటర్వ్యూలో పలు కీలకమైన అంశాలపై గొగొయ్ స్పందించారు. సాధారణంగా న్యాయమూర్తులు చాలా సీరియస్‌గా ఉంటారని - అసలు నవ్వరని పేరుంది. ఇదే ప్రశ్న చీఫ్ జస్టిస్ ఆఫ్ ఇండియా రంజన్ గొగొయ్ ను ప్రశ్నిస్తే ఆయనిలా సమాధానమిచ్చారు. మీరు ముక్కోపి అనే అంటారు కదా అని అడిగితే..``నేను ఎవరినీ సంతోష పెట్టడానికి అక్కడ లేను. నేను దౌత్యవేత్తనో - రాజకీయ నాయకుడినో కాదు ఎప్పుడూ నవ్వతూ పక్కవాళ్లను సంతోషపెట్టడానికి. నాకు ఏది సరైంది అనిపిస్తే అది చేస్తాను. నేను తప్పు కూడా కావచ్చు. ఎవరైనా చెత్త వాగుడు వాగితే నేనేం చేయాలి?`` అని ప్రశ్నించారు.
న్యాయమూర్తులకు లేని ఉద్దేశాలను ఆపాదించడంపై గొగొయ్ అసంతృప్తి వ్యక్తం చేశారు. దీనివల్ల న్యాయ వ్యవస్థపై యువతలో ఓ దురభిప్రాయం ఏర్పడిందని - అందువల్ల వాళ్లు న్యాయమూర్తులు కావాలని అనుకోవడం లేదని సీజేఐ అభిప్రాయపడ్డారు. ``తీర్పులను తప్పుపట్టండి - చట్టంలోని లోపాలను లేవనెత్తండి. అంతేకానీ తీర్పు చెప్పిన న్యాయమూర్తులపై దాడులు - వాళ్లకు లేని ఉద్దేశాలు అంటగట్టడం సరికాదు. జడ్జీలపై బురద జల్లడం చాలా ప్రమాదకరమైన పరిణామం`` అని రంజన్ గొగొయ్ అన్నారు. ``మేము బాగానే సంపాదిస్తున్నాం కదా.. ఇక న్యాయమూర్తులు కావడం ఎందుకు - బురద జల్లించుకోవడం ఎందుకు అని యువత అనుకుంటున్నది. ఇది మా కుటుంబాలపై తీవ్ర ప్రభావం చూపిస్తున్నది. అందువల్ల సత్తా ఉన్న వాళ్లు జడ్జీలు కాకుండా మిగిలిపోతున్నారు`` అని గొగొయ్ చెప్పారు. న్యాయమూర్తుల నియామకానికి ప్రభుత్వం అడ్డుపడుతున్నదన్న వాదనను కూడా ఆయన కొట్టి పారేశారు. ప్రభుత్వం చాలా వేగంగా నియామకాలు చేస్తున్నదని, పెండింగ్‌లో పెట్టడం లేదన్నారు. కేవలం 30 కేసులు మాత్రమే ప్రభుత్వం దగ్గర పెండింగ్‌ లో ఉన్నాయని తెలిపారు.
న్యాయమూర్తులకు లేని ఉద్దేశాలను ఆపాదించడంపై గొగొయ్ అసంతృప్తి వ్యక్తం చేశారు. దీనివల్ల న్యాయ వ్యవస్థపై యువతలో ఓ దురభిప్రాయం ఏర్పడిందని - అందువల్ల వాళ్లు న్యాయమూర్తులు కావాలని అనుకోవడం లేదని సీజేఐ అభిప్రాయపడ్డారు. ``తీర్పులను తప్పుపట్టండి - చట్టంలోని లోపాలను లేవనెత్తండి. అంతేకానీ తీర్పు చెప్పిన న్యాయమూర్తులపై దాడులు - వాళ్లకు లేని ఉద్దేశాలు అంటగట్టడం సరికాదు. జడ్జీలపై బురద జల్లడం చాలా ప్రమాదకరమైన పరిణామం`` అని రంజన్ గొగొయ్ అన్నారు. ``మేము బాగానే సంపాదిస్తున్నాం కదా.. ఇక న్యాయమూర్తులు కావడం ఎందుకు - బురద జల్లించుకోవడం ఎందుకు అని యువత అనుకుంటున్నది. ఇది మా కుటుంబాలపై తీవ్ర ప్రభావం చూపిస్తున్నది. అందువల్ల సత్తా ఉన్న వాళ్లు జడ్జీలు కాకుండా మిగిలిపోతున్నారు`` అని గొగొయ్ చెప్పారు. న్యాయమూర్తుల నియామకానికి ప్రభుత్వం అడ్డుపడుతున్నదన్న వాదనను కూడా ఆయన కొట్టి పారేశారు. ప్రభుత్వం చాలా వేగంగా నియామకాలు చేస్తున్నదని, పెండింగ్‌లో పెట్టడం లేదన్నారు. కేవలం 30 కేసులు మాత్రమే ప్రభుత్వం దగ్గర పెండింగ్‌ లో ఉన్నాయని తెలిపారు.