టీడీపీ అధినేత, ఏపీ సీఎం నారా చంద్ర‌బాబునాయుడు క్రీడ‌ల‌కు మ‌రింత‌గా ప్రోత్సాహం ఇస్తున్న‌ట్లుగా ఇటీవ‌లి కాలంలో ప‌లు ఆస‌క్తిక‌ర స‌న్నివేశాల్లో క‌నిపించారు. మొన్నామ‌ధ్య స్టార్ ష‌ట్ల‌ర్ పీవీ సింధూ రియో ఒలిపింక్స్‌లో ర‌జ‌త ప‌త‌కాన్ని సాధించి స‌గ‌ర్వంగా తిరిగి వ‌చ్చిన తర్వాత విజ‌య‌వాడ కేంద్రంగా ఏర్పాటు చేసిన కార్య‌క్ర‌మంలో ఏకంగా వేదిక‌పైనే ఆమెతో క‌లిసి బాడ్మింట‌న్ ఆడారు. అంతేనా ఇప్పుడెప్పుడో సాగ‌ర న‌గ‌రం విశాఖ కేంద్రంగా క‌బ‌డ్డీ పోటీల సంద‌ర్భంగా ఆట‌గాళ్ల‌తో క‌లిసి ఏకంగా తొడ కొట్టేశారు. క్రీడాకారుల‌కు, ఈవెంట్ నిర్వాహ‌కులకు ఉత్సాహం నింపేలా బాబు చేసిన ఈ ఫీట్లు నిజంగానే ఆస‌క్తి రేకెత్తించాయి. ఇదంతా గ‌త‌మ‌నుకుంటే... తాజాగా గ్రాండ్ ఓల్డ్ పార్టీలో సీనియ‌ర్ నేత‌గా కొన‌సాగుతున్న క‌ర్ణాట‌క సీఎం సిద్ద‌రామ‌య్య వంతు వ‌చ్చేసింది.
మిస్ట‌ర్ క్లీన్‌గా పేరు ప‌డ్డ సిద్దూ... ఇటీవ‌లి కాలంలో ప‌లు వివాదాల్లో కూరుకుపోయారు. ఓ ల‌గ్జ‌రీ వాచ్ కార‌ణంగా పెద్ద వివాదంలోనే ప‌డిపోయిన సిద్దూ... ఆ తర్వాత వేదిక‌పైనే ఓ మ‌హిళా నేత‌ను ముద్దుపెట్టుకుని మ‌రింత వివాదంలో ప‌డ్డారు. అయినా ఏమాత్రం వెన‌క్కు త‌గ్గ‌ని సిద్ద‌రామ‌య్య... అప్పుడెప్పుడో జ‌నం చూస్తుండ‌గానే ఓ సీనియ‌ర్ మోస్ట్ ఐఏఎస్ అధికారి చెంప చెళ్లుమ‌నిపించేశారు. ఇక ప్ర‌స్తుత విష‌యానికి వ‌స్తే... ఆ వివాదాల‌న్నీ స‌మ‌సిపోయేలా తాజాగా వేదిక‌పైనే ఓ మ‌హిళ‌తో పంచ్‌లాట ఆడేసిన సిద్ద‌రామ‌య్య... అక్క‌డి జ‌నాన్ని న‌వ్వుల్లో ముంచెత్తారు. మ‌హిళా బాక్స‌ర్ అయిన ఓ నేతాశ్రీ‌తో సిద్దూ వేదిక మీదే బాక్సింగ్ ఆట ఆడారు. ప్ర‌స్తుతం ఆ వీడియో ఇప్పుడు సోష‌ల్ మీడియాలో హ‌ల్ చ‌ల్ చేస్తోంది.
ఇక సిద్దూతో పంచ్‌లాట ఆడిన ఆ మ‌హిళా నేత విష‌యానికి వ‌స్తే.. మంగళూరు మేయ‌ర్‌గా ప‌నిచేస్తున్న క‌వితా స‌నిల్ *ఇండియన్‌ కరాటే చాంపియన్‌షిప్‌-2017* ప్రారంభోత్స‌వం సంద‌ర్భంగా సరదాగా వేదిక‌పైనే సిద్దూతో కరాటే కుస్తీలు ప‌డ్డారు. క‌రాటేలో బ్లాక్ బెల్ట్ హోల్డ‌ర్ అయిన క‌వితా మాజీ చాంపియ‌న్ కూడాన‌ట. నిన్న మంగళూరులోని నెహ్రూ మైదానంలో ‘ఇండియన్‌ కరాటే చాంపియన్‌షిప్‌-2017’ పోటీలు ప్రారంభమయ్యాయి. ఈ కార్యక్రమానికి సీఎం సిద్దూ, మంగళూరు మేయర్ కవిత ముఖ్య అతిథులుగా హాయజర్యారు. పోటీల ప్రారంభ సూచికగా సీఎం, మేయర్‌లు సరదాగా తలపడ్డారు. ఈ దృశ్యం అక్కడున్నవారిని ఆకట్టుకుంది.
ఈ సంద‌ర్భంగా క‌వితాతో క‌లిసి కరాటే ఫోజులిచ్చిన సిద్దూ... ఆమె డొక్క‌లో ఒక్క పంచ్ ఇచ్చారు. అంత‌కుముందు క‌వితా కూడా సిద్దూ డొక్క‌లో ఓ దెబ్బ వేశారు. ఆ వెంట‌నే సిద్దూ కూడా ఏమాత్రం సంకోచించ‌కుండా క‌వితా డొక్క‌లో ఓ కిక్ ఇచ్చారు. ఆ తర్వాత వారిద్ద‌రితో పాటు అక్క‌డున్న వారంతా హాయిగా న‌వ్వేసుకున్నారు. ఈ సంద‌ర్భంగా సిద్దూ మాట్లాడుతూ... కరాటే లాంటి మార్షల్‌ ఆర్ట్స్‌ నేర్చుకోవడం ద్వారా మహిళలకు ఆత్మస్థైర్యం పెరుగుతుందని, తనకు మాత్రం కరాటే రాదని, బ్రూస్‌ లీ ‘ఎంటర్‌ ది డ్రాగన్‌’ సినిమా చూసి కొద్దిగా తెల్సుకున్నానని చాలా ఆస‌క్తిగా త‌న అనుభ‌వాల‌ను చెప్పుకొచ్చారు.
Full View
మిస్ట‌ర్ క్లీన్‌గా పేరు ప‌డ్డ సిద్దూ... ఇటీవ‌లి కాలంలో ప‌లు వివాదాల్లో కూరుకుపోయారు. ఓ ల‌గ్జ‌రీ వాచ్ కార‌ణంగా పెద్ద వివాదంలోనే ప‌డిపోయిన సిద్దూ... ఆ తర్వాత వేదిక‌పైనే ఓ మ‌హిళా నేత‌ను ముద్దుపెట్టుకుని మ‌రింత వివాదంలో ప‌డ్డారు. అయినా ఏమాత్రం వెన‌క్కు త‌గ్గ‌ని సిద్ద‌రామ‌య్య... అప్పుడెప్పుడో జ‌నం చూస్తుండ‌గానే ఓ సీనియ‌ర్ మోస్ట్ ఐఏఎస్ అధికారి చెంప చెళ్లుమ‌నిపించేశారు. ఇక ప్ర‌స్తుత విష‌యానికి వ‌స్తే... ఆ వివాదాల‌న్నీ స‌మ‌సిపోయేలా తాజాగా వేదిక‌పైనే ఓ మ‌హిళ‌తో పంచ్‌లాట ఆడేసిన సిద్ద‌రామ‌య్య... అక్క‌డి జ‌నాన్ని న‌వ్వుల్లో ముంచెత్తారు. మ‌హిళా బాక్స‌ర్ అయిన ఓ నేతాశ్రీ‌తో సిద్దూ వేదిక మీదే బాక్సింగ్ ఆట ఆడారు. ప్ర‌స్తుతం ఆ వీడియో ఇప్పుడు సోష‌ల్ మీడియాలో హ‌ల్ చ‌ల్ చేస్తోంది.
ఇక సిద్దూతో పంచ్‌లాట ఆడిన ఆ మ‌హిళా నేత విష‌యానికి వ‌స్తే.. మంగళూరు మేయ‌ర్‌గా ప‌నిచేస్తున్న క‌వితా స‌నిల్ *ఇండియన్‌ కరాటే చాంపియన్‌షిప్‌-2017* ప్రారంభోత్స‌వం సంద‌ర్భంగా సరదాగా వేదిక‌పైనే సిద్దూతో కరాటే కుస్తీలు ప‌డ్డారు. క‌రాటేలో బ్లాక్ బెల్ట్ హోల్డ‌ర్ అయిన క‌వితా మాజీ చాంపియ‌న్ కూడాన‌ట. నిన్న మంగళూరులోని నెహ్రూ మైదానంలో ‘ఇండియన్‌ కరాటే చాంపియన్‌షిప్‌-2017’ పోటీలు ప్రారంభమయ్యాయి. ఈ కార్యక్రమానికి సీఎం సిద్దూ, మంగళూరు మేయర్ కవిత ముఖ్య అతిథులుగా హాయజర్యారు. పోటీల ప్రారంభ సూచికగా సీఎం, మేయర్‌లు సరదాగా తలపడ్డారు. ఈ దృశ్యం అక్కడున్నవారిని ఆకట్టుకుంది.
ఈ సంద‌ర్భంగా క‌వితాతో క‌లిసి కరాటే ఫోజులిచ్చిన సిద్దూ... ఆమె డొక్క‌లో ఒక్క పంచ్ ఇచ్చారు. అంత‌కుముందు క‌వితా కూడా సిద్దూ డొక్క‌లో ఓ దెబ్బ వేశారు. ఆ వెంట‌నే సిద్దూ కూడా ఏమాత్రం సంకోచించ‌కుండా క‌వితా డొక్క‌లో ఓ కిక్ ఇచ్చారు. ఆ తర్వాత వారిద్ద‌రితో పాటు అక్క‌డున్న వారంతా హాయిగా న‌వ్వేసుకున్నారు. ఈ సంద‌ర్భంగా సిద్దూ మాట్లాడుతూ... కరాటే లాంటి మార్షల్‌ ఆర్ట్స్‌ నేర్చుకోవడం ద్వారా మహిళలకు ఆత్మస్థైర్యం పెరుగుతుందని, తనకు మాత్రం కరాటే రాదని, బ్రూస్‌ లీ ‘ఎంటర్‌ ది డ్రాగన్‌’ సినిమా చూసి కొద్దిగా తెల్సుకున్నానని చాలా ఆస‌క్తిగా త‌న అనుభ‌వాల‌ను చెప్పుకొచ్చారు.