రోజాను చూసి టీడీపీ ప్యాంట్లు త‌డిసిపోతున్నాయ‌ట‌!

వైసీపీ ఫైర్ బ్రాండ్‌, చిత్తూరు జిల్లా న‌గ‌రి ఎమ్మెల్యే ఆర్కే రోజాను చూసి ఏపీలో అధికార పార్టీ నేత‌లు ఏ మేర భ‌య‌ప‌డుతున్నార‌న్న విష‌యాన్ని సీపీఐ జాతీయ కార్య‌ద‌ర్శి నారాయ‌ణ క‌ళ్ల‌కు క‌ట్టిన‌ట్లుగా చెప్పేశారు. విజ‌య‌వాడ‌లో వెలుగుచూసిన కాల్ మ‌నీ ర‌క్క‌సిపై గ‌ళం విప్పిన రోజా... ఏడాది క్రితం ఏపీ అసెంబ్లీలో చేసిన ఆవేశ‌పూరిత ప్ర‌సంగం టీడీపీ గుండెల్లో రైళ్లు ప‌రుగెత్తించిన విష‌యం తెలిసిందే. ఆ క్ర‌మంలో టీడీపీ ద‌ళిత ఎమ్మెల్యే వంగ‌ల‌పూడి అనిత‌ను రోజా దూషించార‌ని ఆరోపించిన అధికార ప‌క్షం... రోజాపై ఏడాది పాటు స‌స్పెన్ష‌న్ వేటు వేసింది.

తాజాగా మ‌రో ఏడాది పాటు కూడా ఆమెపై స‌స్పెన్ష‌న్ విధించాల‌ని చంద్ర‌బాబు స‌ర్కారు కార్య‌రంగం మొత్తం సిద్ధం చేసింది. ఈ నేప‌థ్యంలో నేటి ఉద‌యం గుంటూరుకు వ‌చ్చిన నారాయ‌ణ‌... రోజా విష‌యంపై టీడీపీ ఏ విధంగా భ‌య‌ప‌డుతుంద‌న్న విష‌యాన్ని ప్ర‌స్తావిస్తూ ఆస‌క్తిక‌ర వ్యాఖ్య‌లు చేశారు. రోజాను చూసి టీడీపీ నేతలు భయపడుతున్నారని ఆయ‌న వ్యాఖ్యానించారు. రోజాను చూస్తే... కాళిమాతను చూసినట్లుగానే టీడీపీ నేత‌లు వణికిపోతున్నారన్నారు.

అంత‌టితో ఆగ‌ని నారాయ‌ణ మ‌రో సంచ‌ల‌న వ్యాఖ్య చేస్తూ విప‌క్షానికి చెందిన రోజా తదిత‌రుల‌ను చూస్తుంటే... టీడీపీ నేత‌ల‌కు లాగులు త‌డిసిపోతున్నాయ‌ని కాస్తంత ఘాటు కామెంట్ చేశారు. ప‌నిలో ప‌నిగా టీఆర్ఎస్‌పై కూడా బాణం సంధించిన ఆయ‌న టీడీపీ మాదిరే టీఆర్‌ ఎస్ కూడా ప్రతిపక్షాలను చూసి ప్యాంటులు తడుపుకుంటున్నాయ‌ని సంచ‌ల‌న వ్యాఖ్య చేశారు. నారాయ‌ణ వ్యాఖ్య‌ల‌పై టీడీపీ - టీఆర్ ఎస్‌ లు ఎలా స్పందిస్తాయో చూడాలి.  వ్యాఖ్యలు చేశారు.

Like Us on Facebook : https://www.facebook.com/Tupakidotcom/