ఎట్టకేలకు దీప్​ సిద్దూ దొరికాడు..!

ఇటీవల గణతంత్ర దినోత్సవం నాడు.. దేశ రాజధాని ఢిల్లీలో రైతులు చేపట్టిన ట్రాక్టర్​ ర్యాలీ హింసాత్మకంగా మారిన విషయం తెలిసిందే.  ఈ సందర్భంగా కొందరు ఆందోళనకారులు ఎర్రకోటపై వివాదాస్పద జెండాలను ఎగరవేశారు. ఈ జెండాలు ఎగరవేసిన వాళ్లలో దీప్ సిద్దూ, జుగ్రాజ్ సింగ్, గుర్జోత్ సింగ్, గుర్జంత్ సింగ్‌‌bఉన్నారు. జనవరి 26 తర్వాత దీప్​ సిద్దూ అజ్ఞాతంలోకి వెళ్లిపోయాడు. తాజాగా సిద్ధూను పోలీసులు అదుపులోకి తీసుకున్నారు. ఎర్ర కోట వద్ద జెండాలు ఎగురవేసిన దీప్ సిద్దూ - జుగ్రాజ్ సింగ్ - గుర్జోత్ సింగ్ - గుర్జంత్ సింగ్‌‌ల గురించి సమాచారం ఇస్తే రూ.లక్ష రివార్డు ఇస్తామని ఢిల్లీ పోలీసులు గతంలో ప్రకటించారు.

15 రోజులుగా దీప్ సిద్ధూ కనిపించకుండా పోయారు. తాజాగా  ఢిల్లీ స్పెషల్ సెల్ పోలీసులు దీప్​ సిద్ధూను అదుపులోకి తీసుకున్నారు.జనవరి 26న జరిగిన హింసాత్మక ఘటనలపై బీకే సింగ్ నేతృత్వంలో డీసీపీలు జాయ్ టుర్కీ - భేషంసింగ్ - మోనికా భరద్వాజ్‌ లు దర్యాప్తు చేస్తున్నారు.  పోలీసుల విచారణలో పలు ఆసక్తికర  అంశాలు వెలుగు చూశాయి.

 రైతుల ఆందోళన సందర్భంగా దీప్​ సిద్ధూ రెచ్చగొట్టే ప్రసంగాలను ఫేస్ ​బుక్ లో పోస్ట్​ చేశాడు. అయితే దీప్​ సిద్ధూ ఫేస్​బుక్​ను విదేశాల నుంచి అతడి గర్ల్ ​ఫ్రెండ్​ నిర్వహిస్తున్నట్టు పోలీసుల విచారణలో తేలింది.  ఇక్కడి నుంచి సిద్ధూ వీడియోలు పంపిస్తుండగా.. ఆమె ఫేస్ ​బుక్ ​లో అప్ ​లోడ్​ చేస్తున్నట్టు పోలీసులు గుర్తించారు.