అమెరికా అధ్య‌క్షుడి భార్య‌.. విమానంలో ఏం చేసిందో తెలుసా?

ప్ర‌యాణికులు అంద‌రూ విమానంలో కూర్చున్నారు. ఎయిర్ హోస్టెస్ లు ఎవ‌రి ప‌ని వారు చేస్తున్నారు. జాస్మిన్ అనే పేరుగ‌ల ఓ ఎయిర్ హోస్టెస్ ప్ర‌యాణికులంద‌రికీ స్వీట్లు పంచారు. ఇంకా ఇత‌ర‌త్రా అవ‌స‌రాలు తీర్చారు. ఆ త‌ర్వాత క్యాబిన్లోకి వెళ్లిపోయారు. మ‌ళ్లీ ఐదు నిమిషాల త‌ర్వాత వెన‌క్కు తిరిగి వ‌చ్చి ముఖానికి త‌గిలించుకున్న మాస్క్ తీసేశారు. అంతే.. ప్ర‌యాణికులంతా ఆనందంతో కూడిన‌ ఆశ్చ‌ర్యానికి లోన‌య్యారు. ఆమె మ‌రెవ‌రో కాదు.. అమెరికా అధ్య‌క్షుడు బైడెన్ స‌తీమ‌ణి జిల్ బైడెన్‌.

ఇంతసేపు త‌మ‌కు స్నాక్స్ స‌ర్వ్ చేసింది, త‌మ అవ‌స‌రాలు తీర్చింది అమెరికా అధ్య‌క్షుడి భార్యనా అని తెలుసుకున్న వారంతా అవాక్క‌య్యారు. కాలిఫోర్నియా ప‌ర్య‌ట‌న ముగించుకొని వ‌స్తున్న సంద్భంగా ఆమె.. విమానంలో ఇలా ఫ్రాంక్ చేశారు.

ఇంత‌కీ.. ఆమె ఇలా ఎందుకు చేసింద‌నే క‌దా మీ సందేహం! అంద‌రినీ ఏప్రిల్ ఫూల్ చేయ‌డానికి ఇలా ఎయిర్ హోస్టెస్ వేషం క‌ట్టారు జిల్ బైడెన్. ఇందుకోసం ముఖానికి క‌రోనా మాస్కు ధ‌రించ‌డంతోపాటు నెత్తికి విగ్గు కూడా త‌గిలించుకున్నారు. డ్రెస్ కూడా ఎయిర్ హోస్టెస్ లు వేసుకునేది ధ‌రించారు. మొత్తంగా ప‌ర్ఫెక్ట్ ఎయిర్ హోస్టెస్ గా మారిపోయి.. అందరినీ ఫూల్స్ చేశారు.