ట్రంప్ ముందే ఆ మ‌హిళ అలా...

అమెరికా అధ్య‌క్షుడు డొనాల్డ్ ట్రంప్ పైనే ఇన్నాళ్లు విమ‌ర్శ‌లు గుప్పుమంటుండ‌గా తాజాగా ఆయ‌న టీం మెంబ‌ర్ల‌పై సైతం ఇదే రీతిలో వాగ్భానాలు సంధిస్తున్నారు. తాజాగా ఆయ‌న సన్నిహితురాలు చేసిన ప‌ని వివాదంలో ప‌డింది. ట్రంప్ త‌న ఓవ‌ల్ ఆఫీస్‌ లో ఉన్నారు.. ఆ స‌మ‌యంలో దేశంలోని న‌ల్ల‌జాతీయుల కాలేజీలు - యూనివ‌ర్సిటీల ప్ర‌తినిధులు కూడా అక్క‌డే ఉన్నారు. అంద‌రూ క‌లిసి ఫొటోల‌కు పోజులిచ్చారు. అదే స‌మ‌యంలో ఓ మ‌హిళ అక్క‌డే ఉన్న సోఫాపై కాళ్ల‌కున్న‌ షూ కూడా తీయ‌కుండా.. మోకాళ్ల‌పై కూర్చుంది. ఆమె ఎవ‌రో కాదు ట్రంప్ సీనియ‌ర్ అడ్వైజ‌ర్ కెలియాన్ కాన్వే.

ట్రంప్ సీనియ‌ర్ అడ్వైజ‌ర్ అయిన కాన్వే అలా ఇబ్బందిక‌రంగా కూర్చున్న స‌మ‌యంలో ఏఎఫ్‌పీ ఫొటోగ్రాఫ‌ర్ క్లిక్‌మ‌నిపించాడు. ఈ ఫొటో ఇప్పుడు సోష‌ల్ మీడియాలో ర‌చ్చ‌రచ్చ చేస్తున్న‌ది. ట్విట్ట‌ర్‌లో చాలా మంది ఆమె తీరును ఎండ‌గ‌డుతున్నారు. ఇది క‌చ్చితంగా అక్క‌డున్న‌వారిని అవ‌మానించ‌డ‌మే అవుతుంద‌ని చాలామంది అభిప్రాయ‌ప‌డ్డారు. ట్రంప్ టీమ్ మ‌ర్యాద‌లు ఎలా ఉన్నాయో ఈ ఫొటో చూస్తేనే తెలుస్తుంద‌ని ఒక‌రు కామెంట్ చేశారు. ముఖ్యంగా అక్క‌డున్నది న‌ల్ల‌జాతి విద్యాసంస్థ‌ల ప్ర‌తినిధులు కావ‌డంతో కెలియాన్ చ‌ర్యపై తీవ్రంగా చ‌ర్చ న‌డుస్తోంది. సోమ‌వారం ఏఎఫ్‌ పీ ఈ ఫొటోను ట్విట్ట‌ర్‌ లో షేర్ చేయ‌గా.. 1700కుపైగా రీట్వీట్లు - 1600 లైక్స్‌ - 1400 రిప్లైలు వ‌చ్చాయి. ఈ ఫొటోపై యూఎస్ ఆఫీస్ ఆఫ్ గ‌వ‌ర్న‌మెంట్‌ ఎథిక్స్ చీఫ్ తీవ్రంగా మండిప‌డ్డారు. వైట్‌ హౌజ్ వెంట‌నే దీనిపై విచార‌ణ జ‌రిపి, ఆమెపై క్ర‌మ‌శిక్ష‌ణ చ‌ర్య‌లు తీసుకోవాల‌ని సూచించారు.

Like Us on Facebook : https://www.facebook.com/Tupakidotcom/