ట్రంప్ టాయ్ లెట్ పేపర్.. అభాసుపాలు..

అమెరికా అధ్యక్షుడు ట్రంప్ మరోసారి అభాసుపాలయ్యారు. ఆయన గురించి ఏ చిన్న విషయం దొరికినా మీడియాలో వైరల్ అవుతూనే ఉంది. సోషల్ మీడియాలోనైతే చెప్పక్కర్లేదు. తాజాగా ట్రంప్ మిన్నియా పోలీస్-సెయింట్ పాల్ విమానాశ్రయంలో విమానం ఎక్కుతున్న వీడియో వైరల్ గా మారింది. అందులో వింతేముందని ఆశ్చర్యపోతున్నారా.? వింత ఉంది. ట్రంప్ ధరించిన బూట్లకు ఓ టాయ్ లెట్ పేపర్ అంటుకొని ఉంది. దాన్ని గమనించకుండా ట్రంప్ తన అధికారిక నివాసం నుంచి విమానాశ్రయం వరకూ వచ్చారు. విమానం ఎక్కబోతుండగా ఆ టాయ్ లెట్ టిష్యూ పేపర్ వీడియోలు, కెమెరాల్లో రికార్డ్ అయ్యింది. ఇది సోషల్ మీడియాలో తాజాగా వైరల్ అయ్యింది. నెటిజన్లు షేర్లు చేస్తూ హోరెత్తిస్తున్నారు. దీన్ని బట్టి  ట్రంప్ పరిశుభ్రత ఏ పాటిదోనని నెటిజన్లంతా సెటైర్లు వేస్తున్నారు.

ట్రంప్ బూటుకున్న టాయ్ లెట్ పేపర్ వీడియో సోషల్ మీడియాలో వైరల్ అయ్యింది. నెటిజన్లు తమకు ఇష్టమొచ్చిన కామెంట్లు పెడుతున్నారు. ఒక చెత్తను మరో చెత్త అంటుకుందని ఒకరు ట్వీట్ చేయగా.. ట్రంప్ పరిపాలన ఎలా ఉందో దీన్ని బట్టి తెలుస్తోందని మరొకరు ట్వీట్ చేశారు. ట్రంప్ బూటుకు ఆ పేపర్ ఎలా అతుక్కుందని.. అసలు ఆయన షూకు టాయిలెట్ పేపర్ ఎలా అంటిపెట్టుకుందని జోకులు పేలుస్తున్నారు.



Full View