బాలయ్య ఇంటిని కూల్చివేస్తారా..?

ఇప్పుడున్న అంచనాలు కానీ వాస్తవరూపం దాల్చిన పక్షంలో ఏపీ రాష్ట్ర ముఖ్యమంత్రి చంద్రబాబు వియ్యంకుడు..టాలీవుడ్ ప్రముఖ హీరో కమ్ హిందూపురం ఎమ్మెల్యే బాలకృష్ణ తన ఇంటిని కోల్పోనున్నారు. అటు సినిమాల్లోనూ.. ఇటు రాజకీయాల్లోనూ మాంచి జోరు మీద ఉన్న బాలయ్య తన ఇంటిని కోల్పోవటమా?అదెలా?అన్నసందేహాం తప్పు కాదు కానీ.. పరిస్థితులు ఇప్పుడలా ఉన్నాయి మరి.

రోజురోజుకి పెరుగుతున్న ట్రాఫిక్ నేపథ్యంలో జూబ్లీహిల్స్ చెక్ పోస్ట్ ను వెడల్పు చేయాలన్న ప్రతిపాదనను ప్రస్తుతం జీహెచ్ ఎంసీ అధికారులు సిద్ధం చేశారు. జూబ్లీహిల్స్ చెక్ పోస్ట్ ను వెడల్పు చేసిన పక్షంలో..ట్రాఫిక్ నుకంట్రోల్ చేసే వీలు ఉంటుంది. రోడ్ల విస్తరణలో భాగంగా పలు నిర్మాణాల్ని కూల్చి వేయాల్సి ఉంటుంది. ఇలా కూల్చివేయాల్సిన భవనాల్లో ప్రస్తుతం జూబ్లీహిల్స్ రోడ్ నెం. 45లో నివసిస్తున్ననందమూరి బాలకృష్ణ ఇల్లు కూడా ఉండనుంది.

ఈఇంట్లోనే గతంలో చంద్రబాబు ఉండేవారు. ఎప్పుడైతే బాలకృష్ణ మద్రాస్ నుంచి హైదరాబాద్ షిఫ్ట్ అయ్యారో.. అప్పుడే ఈ ఇంటిని ఖాళీ చేశారు. ఈ ఇంట్లో పెరిగిన చంద్రబాబు కుమారుడు లోకశ్.. ఆ ఇల్లు తనదంటూ చిన్నతనంలో బ్రాహ్మణితో ఎప్పుడూ దెబ్బలాడేవాడని.. ఆయనకు ఈ ఇల్లు చాలా ఇష్టమని చెబుతారు.

Like Us on Facebook : https://www.facebook.com/Tupakidotcom/