ఆకాశవీధిలో అరుదైన దృశ్యం.. త్రికోణాకృతిలో చంద్రుడు.. శని.. గురు గ్రహాలు

వినీలాకాశంలో కొన్ని లక్షల నక్షత్రాలు మనకు కనువిందుచేస్తుంటాయి. ఆకాశవీధిలో మనకు ఎన్నో అద్భుత దృశ్యాలు ఆవిష్కృతం అవుతాయి. వాటిని ఆస్వాదిస్తూ గడపడం ఎంతో బాగుంటుంది. ఇటీవలే చందమామ నీలిరంగులోకి మారి.. బ్లూమూన్​గా కనువిందు చేసింది. ఆకాశంలో ప్రతిరోజూ  ఎన్నో  ఎన్నోన్నో దృశ్యాలు కనిపిస్తుంటాయి. నక్షత్రాలు, గ్రహాలు, గ్రహశకలాలు, పాలపుంతలు ఇవన్నీ కనిపిస్తాయి. అయితే తాజాగా ఆకాశంలో ఓ అరుదైన సన్నివేశం చోటుచేసుకున్నది.

జాబిల్లి, శని, గురు గ్రహాలు ఒకేచోటకు చేరాయి. మరోవైపు ఇవి మూడు త్రికోణాకృతికి వచ్చాయి. ఇటువంటి దృశ్యాలు కనిపించడం అరుదని ఖగోళశాస్త్రవేత్తలు అంటున్నారు. అటువంటిది ఈ మధ్యకాలంలోనే రెండుసార్లు ఇలాంటి సీన్​ ఆకాశవీధిలో కనిపించింది. గతంలో నవంబర్​ 20న చంద్రుడు-శని-గురు గ్రహాలు త్రిభుజ ఆకారంలో కనిపించి కనువిందు చేశాయి. మళ్లీ డిసెంబర్​ 16న మరోసారి ఇటువంటి దృశ్యాలు ఆవిష్కృతమయ్యాయి.

అయితే ఆకాశంలో చీకటిపొరలు ఆవిరించుకున్న కొద్ది సేపటికే ఈ దృశ్యం కనిపించింది. దీన్ని వీక్షించేందుకు చాలా మంది చిన్నసైజు టెలిస్కోపులు ఉపయోగించారు. గురు గ్రహంపై క్రేటర్స్ , ఆ గ్రహంపై ఉన్న చంద్రుడు కనిపించినట్లు కొందరు చెబుతున్నారు. ఇక శని గ్రహం చుట్టూ ఉన్న రింగ్స్ కూడా టెలిస్కోప్ ద్వారా కనిపించినట్లు ఈ అద్భుత దృశ్యాన్ని చూసినవారు చెబుతున్నారు.  21వ తేదీన గ్రేట్ కంజంక్షన్ ఏర్పడుతుందని అంతకంటే ఐదు రోజుల ముందు చంద్రుడు, శని, గురు గ్రహాలు త్రిభుజం ఆకారంలో కనిపించి కనువిందు చేస్తాయని శాస్త్రవేత్తలు ముందుగానే చెప్పారు.