శ్రీకాకుళం జిల్లా కాస్త వ‌ణికింది!

అప్ప‌టివ‌ర‌కూ బాగానే ఉంది. ఒక్కసారి కాలు కింద ఉన్న భూమి వ‌ణికినట్లుగా అనిపించింది. కేవ‌లం నాలుగే నాలుగు సెకండ్లు. కానీ.. అది రేపిన భ‌యోత్పాతం భారీగా ఉంది. ఏపీలోని శ్రీకాకుళం జిల్లాలోని కొన్ని ప్రాంతాల్లో స్వ‌ల్ప భూప్ర‌కంప‌న‌లు చోటు చేసుకున్నాయి.

దీంతో.. ప్ర‌జ‌లు తీవ్ర భ‌యాందోళ‌న‌కు గురి అయ్యారు. శ్రీకాకుళం జిల్లాలోని పొందూరులోని కొన్ని ప్రాంతాల్లో స్వ‌ల్ప భూప్ర‌కంప‌న‌లు చోటు చేసుకున్నాయి. పొందూరు.. రోలుగ‌.. క‌నిమెట్ల‌లో భూమి స్వ‌ల్పంగా కంపించింది. ఉన్న‌ట్లుండి ఒక్క‌సారిగా భూమి స్వ‌ల్పంగా ప్ర‌కంప‌న‌లు చోటు చేసుకోవ‌టంతో ప్ర‌జ‌లు భ‌యంతో ఇళ్ల‌లో నుంచి బ‌య‌ట‌కు ప‌రుగులు తీశారు.