పిక్ ఆఫ్ ది డే: జగన్ కు టీజీ సన్మానం

టీడీపీ రాజ్యసభ ఎంపీగా ఎన్నికై బీజేపీలో చేరిన టీజీ వెంకటేశ్ తాజాగా అందరినీ ఆశ్చర్యపరిచాడు. ఏపీ సీఎం జగన్ తాజాగా కర్నూలులో జరిగిన పత్తికొండ ఎమ్మెల్యే శ్రీదేవి కుమారుడి వివాహ కార్యక్రమానికి హాజరయ్యేందుకు రాగా ఓర్వకల్లు ఎయిర్ పోర్టు లో జగన్ కు అపూర్వ స్వాగతం లభించింది. ఏకంగా బీజేపీ ఎంపీ అయిన టీజీ వెంకటేశ్ జగన్ కు స్వాగతం పలకడం.. శాలువా కప్పి సన్మానం చేయడం అందరినీ ఆశ్చర్యానికి గురిచేసింది.

సీఎం జగన్ అంటేనే విరుచుకుపడి విమర్శించే టీజీ వెంకటేశ్ ఇలా అనూహ్యంగా సీఎం జగన్ కు సాదరస్వాగతం పలికి సన్మానించడం ఆసక్తికరంగా మారింది.

అయితే కర్నూలును న్యాయ రాజధానిగా చేసిన జగన్ కు కృతజ్ఞత తెలిపేందుకే టీజీ ఇలా జగన్ కు సన్మానం చేశాడని తెలిసింది. ఈ సందర్భంగా రాయలసీమకు హైకోర్టు తెచ్చినందుకు థ్యాంక్స్ అని టీజీ అన్నాడట.. ఎప్పుడు ఏర్పాటు చేస్తున్నారని జగన్ ను అడిగాడట.. కేంద్రం అనుమతి రాగానే మారుస్తామని జగన్ చెప్పాడట..

ఇలా ఉప్పు నిప్పులా ఉండే టీజీ- జగన్ లు ఒకచోట కలవడం.. సన్మానం చేసుకోవడం వైరల్ గా మారింది.