కావేరి నదీ జలాల వివాదంతో క‌ర్ణాట‌క-త‌మిళ‌నాడుల మ‌ధ్య తీవ్ర ఉద్రిక్త ప‌రిస్థితులు నెల‌కొన్న సంగ‌తి తెలిసిందే. ఆయా రాష్ట్రాల‌లోని ప్ర‌జానికం త‌మ‌దైన శైలిలో అభిప్రాయాలు వ్య‌క్తం చేస్తుండ‌గా రాజ‌కీయ నాయ‌కులు స్వ‌త‌హాగానే వివాదం ముదిరేలా చేస్తున్నారు. అయితే సున్నిత‌మైన సినీప‌రిశ్ర‌మ ఈ విష‌యంలో ముందుకు త‌మ అభిప్రాయాన్ని వెల్ల‌డించింది. ముఖ్యమంత్రి జయలలిత తీసుకొనే అన్ని చర్యలకు దక్షిణ భారత నటుల సంఘం సంపూర్ణ మద్దతు ఇవ్వాలని నిర్ణయించినట్లు ప్రకటించారు. నడిగర్ సంఘంగా పిలుస్తున్న దక్షిణ భారత నటుల సంఘం కార్యవర్గ సమావేశంలో ఈ నిర్ణ‌యం తీసుకున్నారు.
నడిగర్ సంఘం అధ్యక్షుడు నాజర్‌ అధ్యక్షతన చెన్నైలో జరిగిన సమావేశంలో కావేరీ నదీ జలాల వివాదంపై ముఖ్యమంత్రి జయలలిత తీసుకొనే అన్ని చర్యలకు సంపూర్ణ మద్దతు ఇవ్వాలని నిర్ణయించారు. ఈ వివాదంలో కన్నడ నటుల వైఖరిని ఖండిస్తూ, తమిళనాడు హక్కులను పరిరక్షించడానికి పోరాడాలనే పలు కీలక తీర్మానాలు ఆమోదించారు. కావేరీ వివాదంపై నడిగర్ సంఘం ఆందోళనలు చేయాలా.. వద్దా? అనే అంశంపై సంఘంలో భిన్నాభిప్రాయాలు వినిపించడంతో సుమారు 3 గంటలపాటు చర్చ కొనసాగింది. అలాగే నటి డిస్కోశాంతి తమ్ముడు - నటుడు అరుణ్‌ మొళి వర్మన్‌ సంఘం నిర్వాహకులకు ఓ లేఖ ఇచ్చారు. అందులో... చెన్నైలో 18వ తేదీన జరిగే సెలెబ్రిటీ బ్యాడ్మింటన్‌ లీగ్‌ పోటీల్లో కన్నడ నటులూ పాల్గొననున్నారని, ప్రస్తుతం కావేరీ నదీ జలాల సమస్యపై ఆందోళనలు కొనసాగుతుండటంతో ఇది సమస్యను మరింత జఠిలం చేసే ప్రమాదం ఉందన్నారు. అందువల్ల ఆ లీగ్‌ పోటీలను వాయిదా వేయాలని, కావేరీ నదీ జలాల వివాదం కన్నా ఈ పోటీలు అంత ప్రాధాన్యత సంతరించుకోలేదని పేర్కొన్నారు. సమావేశం అనంతరం నడిగర్ సంఘం కార్య‌ద‌ర్శి విశాల్‌, నాజర్‌ తదితరులు విలేకరుల సమావేశంలో మాట్లాడుతూ సీఎం జ‌య‌ల‌లిత‌కు బాస‌ట‌గా నిల‌బ‌డాల‌ని నిర్ణయించినట్లు తెలిపారు.
నడిగర్ సంఘం అధ్యక్షుడు నాజర్‌ అధ్యక్షతన చెన్నైలో జరిగిన సమావేశంలో కావేరీ నదీ జలాల వివాదంపై ముఖ్యమంత్రి జయలలిత తీసుకొనే అన్ని చర్యలకు సంపూర్ణ మద్దతు ఇవ్వాలని నిర్ణయించారు. ఈ వివాదంలో కన్నడ నటుల వైఖరిని ఖండిస్తూ, తమిళనాడు హక్కులను పరిరక్షించడానికి పోరాడాలనే పలు కీలక తీర్మానాలు ఆమోదించారు. కావేరీ వివాదంపై నడిగర్ సంఘం ఆందోళనలు చేయాలా.. వద్దా? అనే అంశంపై సంఘంలో భిన్నాభిప్రాయాలు వినిపించడంతో సుమారు 3 గంటలపాటు చర్చ కొనసాగింది. అలాగే నటి డిస్కోశాంతి తమ్ముడు - నటుడు అరుణ్‌ మొళి వర్మన్‌ సంఘం నిర్వాహకులకు ఓ లేఖ ఇచ్చారు. అందులో... చెన్నైలో 18వ తేదీన జరిగే సెలెబ్రిటీ బ్యాడ్మింటన్‌ లీగ్‌ పోటీల్లో కన్నడ నటులూ పాల్గొననున్నారని, ప్రస్తుతం కావేరీ నదీ జలాల సమస్యపై ఆందోళనలు కొనసాగుతుండటంతో ఇది సమస్యను మరింత జఠిలం చేసే ప్రమాదం ఉందన్నారు. అందువల్ల ఆ లీగ్‌ పోటీలను వాయిదా వేయాలని, కావేరీ నదీ జలాల వివాదం కన్నా ఈ పోటీలు అంత ప్రాధాన్యత సంతరించుకోలేదని పేర్కొన్నారు. సమావేశం అనంతరం నడిగర్ సంఘం కార్య‌ద‌ర్శి విశాల్‌, నాజర్‌ తదితరులు విలేకరుల సమావేశంలో మాట్లాడుతూ సీఎం జ‌య‌ల‌లిత‌కు బాస‌ట‌గా నిల‌బ‌డాల‌ని నిర్ణయించినట్లు తెలిపారు.