గొప్పలకు పోయి లోకేష్ బాబు ఇరుక్కున్నాడు

హైదరాబాద్ కట్టింది బాబే.. హైటెక్ సిటీ తెచ్చిందే బాబే.. ఇలా అన్నింటిని తన గొప్పతనంగా చెప్పుకునే అలవాటు చంద్రబాబుకే కాదు.. ఆయన కుమారుడు, మంత్రి లోకేష్ బాబుకు కూడా ఉన్నట్టుంది. అందుకే తాజా ట్వీట్లలో తమ గొప్పతనాన్ని వేయినోళ్ల పొగుడుతూ ట్వీట్ చేశారు..

జాతీయ సాంకేతికత దినోత్సవం అంటూ ఏపీలో ఫిన్ టెక్  - బ్లాక్ చైన్ - డేటా సెంటర్ తదితర ఆధునాతన సాంకేతిక పరిశ్రమలను ఏపీకి తీసుకొచ్చామని గొప్పలకు పోయారు. వాటి వెనుక తమ కృషినే ఉందంటూ బీరాలు పలికారు..

లోకేష్ బాబు ట్వీట్ చేయగానే నెటిజన్లు ఊరుకుంటారా.? ఎక్కడ లేని లెక్కలు తీసుకొచ్చి భారీ కౌంటర్లు ఇచ్చారు. ప్రపంచంలో సాంకేతికతను - శాస్త్రవిజ్ఞానాన్ని ఎవరూ తేరని..కాలనికి అనుగుణంగా మార్పులతోనే అవి పురోభివిస్తాయని.. ముందుకు వస్తాయని కౌంటర్ ఇచ్చారు. సాంకేతికత ఎవరి అబ్బా సొమ్ము కాదంటూ లోకేష్ ను ఏకిపారేశారు..

అమరావతిలో సచివాలయం చూస్తే చాలు బాబు - లోకేష్ ల పాలన వైఫల్యం కనిపిస్తోందని..ముందు వాటి గురించి ఆలోచిస్తే బెటర్ అని నెటిజన్లు కామెంట్ల వర్షం కురిపిస్తున్నారు. చంద్రబాబు పాలనలో ఐటీ సహా ఎన్ని విభాగాల్లో ఎన్ని ఉద్యోగాలిచ్చారు.. ఎంత రాష్ట్ర ఆదాయం వచ్చిందని కూడా ప్రశ్నల వర్షం కురిపించారు. ఐదేళ్లుగా ఏమీ చేయని చంద్రబాబు, లోకేష్ లు ఇప్పుడు క్రెడిట్ అంతా తమ ఖాతాలో వేసుకోవడం ఏంటని నెటిజన్లు కామెంట్లతో దాడి చేస్తున్నారు.