బ‌న్నీ వాసుకు ప‌వ‌న్ టికెట్ ఇచ్చేనా?

ఎన్నిక‌లు వ‌చ్చాయంటే చాలు చాలామందికి చాలానే ఆశ‌లు.. ఆకాంక్ష‌లు బ‌య‌ట‌కు వ‌చ్చేస్తుంటాయి. ఎన్నిక‌లకు ముందు నుంచే ఒక క్ర‌మ‌ప‌ద్ద‌తిలో రాజ‌కీయాలు చేసి.. తాను ప‌ని చేసిన పార్టీ నుంచి టికెట్ ఆశించే వారు కొంద‌రైతే.. మ‌రికొంద‌రు ప్యారాచూట్ నేత‌లు క‌నిపిస్తారు. వారు.. వారున్న రంగాల్లో స‌క్సెస్ ఫుల్ గా ఉండే ఇలాంటి వారు.. ఎన్నిక‌ల వేళ త‌మ‌కున్న ఇమేజ్ తో తాము కోరుకున్న పార్టీ నుంచి టికెట్ ఆశిస్తుంటారు.

ఇందుకోసం తెర వెనుక చేయాల్సిన ప్ర‌య‌త్నాలు చేస్తుంటారు. ఈ త‌ర‌హా ప్యారాచూట్ నేత‌ల పుణ్య‌మా అని ఏపీ ముఖ్య‌మంత్రి.. టీడీపీ అధినేత చంద్ర‌బాబు ఎప్ప‌టినుంచో పార్టీలో ప‌ని చేస్తున్న వారికి టికెట్లు కేటాయించే విష‌యంలో హ్యాండిస్తుంటార‌న్న విమ‌ర్శ వినిపిస్తూ ఉంటుంది.

తాజాగా ఇదే త‌ర‌హాలో ఒక ప్ర‌ముఖ నిర్మాత ఒక‌రు టికెట్ రేసులో తెర మీద‌కు వ‌చ్చారు. కాకుంటే.. ఆయ‌న ఆశిస్తున్న టికెట్ టీడీపీ నుంచి కాదు.. జ‌న‌సేన నుంచి. ఇంత‌కీ ఆయ‌న ఎవ‌రంటే.. స్టైలిష్ స్టార్ బ‌న్నీ అలియాస్ అల్లు అర్జున్ కు అత్యంత స‌న్నిహితుడిగా.. ఇండ‌స్ట్రీలో బ‌న్నీ క్యాంప్ లో కీల‌క‌మైన వ్య‌క్తిగా బ‌న్నీ వాసును చెబుతుంటారు.

అలాంటి ఆయ‌న తాజాగా జ‌న‌సేన నిర్వ‌హించిన పార్టీ ఆవిర్భావ స‌భ వ‌ద్ద క‌నిపించారు. జ‌న‌సేన పార్టీ నుంచి తాను టికెట్ కోసం ప్ర‌య‌త్నిస్తున్న‌ట్లు చెప్పారు. ఈస్ట్ గోదావ‌రి నుంచి టికెట్ ఆశిస్తున్న ఆయ‌న‌కు ప‌వ‌న్ ఇస్తారా? అన్న‌ది ఇప్పుడు ఆస‌క్తిక‌రంగా మారింది.

బ‌న్నీకి.. ప‌వ‌న్ కు మ‌ధ్య‌నున్న స్ప‌ర్ధ గురించి తెలిసిందే. మ‌రి.. బన్నీకి అత్యంత స‌న్నిహితుడైన వాసుకి ప‌వ‌న్ పార్టీ టికెట్ ఇస్తారా? అన్న‌ది ఇప్పుడు క్వ‌శ్చ‌న్ గా మారింది. రాజ‌కీయాల్లో టికెట్ రావాలంటే దానికి చాలానే లెక్క‌లు ఉంటాయి.బ‌న్నీ వాసుకు టికెట్ ఇస్తే.. ప‌వ‌న్ అభిమానులు మ‌న‌సు పెట్టి ప‌ని చేస్తారా? అన్న‌ది ఒక సందేహ‌మైతే.. ఎన్నిక‌ల వేళ‌లో రాజ‌కీయాల్లో వ‌చ్చే వారికి టికెట్లు ఇస్తే తాను చెప్పే ఆద‌ర్శాల‌కు సూట్ అవుతుందా? అన్న ప్ర‌శ్న వినిపిస్తోంది. మొత్తానికి.. టికెట్ కోసం బ‌న్నీ వాసు చేస్తున్న ప్ర‌య‌త్నాల‌కు ప‌వ‌న్ ఎలాంటి రిప్లై ఇస్తారో చూడాలి