బాబుకు ప‌వ‌న్ థ్యాంక్స్ చెప్పేశారు

ఏపీ ముఖ‌్య‌మంత్రి నారా చంద్ర‌బాబు నాయుడుకు జనసేన అధినేత పవన్‌ కల్యాణ్ కృత‌జ్ఞ‌త‌లు తెలిపారు. శ్రీ‌కాకుళం జిల్లాలోని ఉద్దానం కిడ్నీ వ్యాధితో బాధపడుతున్న బాధితులకు పెన్ష‌న్లు - బ‌స్ పాసులు ఇచ్చేందుకు సీఎం చంద్రబాబునాయుడు గ్రీన్ సిగ్న‌ల్ ఇచ్చిన సంగ‌తి తెలిసిందే. ఈ ప్రకటనను స్వాగతిస్తున్నామని జనసేన పార్టీ త‌ర‌ఫున ప‌వ‌న్ క‌ళ్యాణ్ ట్విట్ట‌ర్‌ లో తెలిపారు.

ఉద్దానం బాధితుల సహాయ చర్యలపై ప్రభుత్వం చర్యలు చేపట్టడం త‌మ‌ తొలి విజయమని ప‌వ‌న్ క‌ళ్యాణ్ పేర్కొన్నారు. బాధితుల సమస్య తీవ్రతను సీఎం అర్థం చేసుకున్నారని, వారి ప‌ట్ల మాన‌వ‌తా ద‌కృథంలో సీఎం సానుకూలంగా స్పందించటం హర్షణీయమని ప‌వ‌న్ త‌న ట్వీట్ల‌లో తెలిపారు. ఉద్దానం బాధితుల సమస్యపై స్పందించటం అన్ని రాజకీయ పార్టీల సామాజిక బాధ్యత అని స్పష్టం చేశారు. త‌న పోరాటంలో స‌హ‌క‌రించిన మీడియా మిత్రుల‌కు, ఇత‌ర వ‌ర్గాల‌కు ప‌వ‌న్ కృత‌జ్ఞ‌త‌లు తెలిపారు. కాగా ఉద్దానంతో పాటు భ‌విష్య‌త్‌ లో ఉత్త‌రాంధ్ర‌ - క‌ళింగ ప్రాంతాల ప్ర‌జ‌ల స‌మ‌స్య‌ల‌పై సైతం తాము గ‌ళం విప్పుతామ‌ని ప‌వ‌న్ స్ప‌ష్టం చేశారు.


Like Us on Facebook : https://www.facebook.com/Tupakidotcom/