మెట్రోలో పోర్న్ వీడియో..ర‌చ్చ ర‌చ్చ

తెలుగు రాష్ర్టాల్లో ఇటు హైద‌రాబాద్...అటు అమ‌రావ‌తిలో కూడా మెట్రో రైలు ప్రారంభం కాలేదు అప్పుడే మ‌న మెట్రో రైల్లో పోర్న్ వీడియో ఏంటి అని ఒక్క క్ష‌ణం ఆలోచించకండి. మ‌నదంటే మ‌న రాజ‌ధానుల్లో ఏదో ఒక‌టి అని కాదు. మ‌న దేశ రాజ‌ధానిలో అన్న‌మాట‌! ఢిల్లీ మెట్రో రైల్వేస్టేషన్‌ లో చోటుచేసుకున్న ఓ సంఘటన సోషల్ మీడియాలో వైరల్ అయింది. ఇంత‌కీ ఏం జ‌రిగిందంటే..రైల్వే స్టేషన్‌ లోని ఓ టీవీ బిగ్ స్క్రీన్‌ లో పోర్న్ వీడియో ప్లే అయింది. ఇది గమనించిన కొందరు ప్రయాణికులు తమ సెల్‌ ఫోన్లలో చిత్రీకరించి సోషల్ మీడియా సైట్లలో పోస్టు చేశారు. దీంతో ఈ ఘటన వైరల్ అయింది.

ఈ ప‌రిణామం ఆనోటా ఈ నోటా మెట్రో రైలు అధికారుల దృష్టికి చేరింది. దీంతో వారు స్పందిస్తూ.. వీడియో ప్లే అయిన టీవీ స్క్రీన్‌ ను వ్యాపార ప్రకటనలకు బుక్ చేసుకున్నారని తెలిపారు. పోర్న్ వీడియో ఎలా ప్లే అయిందో తెలియదన్నారు. జరిగిన ఘటనపై దర్యాప్తు చేసేందుకు కమిటీని నియమించినట్లు అధికారులు పేర్కొన్నారు. మ‌రోమారు ఇలాంటి జ‌ర‌గ‌కుడా త‌గు చ‌ర్య‌లు తీసుకుంటామ‌ని పేర్కొన్నారు.

Like Us on Facebook : https://www.facebook.com/Tupakidotcom/