దేశంలో తొలి హెలి ట్యాక్సీ వచ్చేసింది

రెండు పట్టణాల మధ్య సిటీ బస్సు సర్వీసు.. ఆటోలు.. ట్యాక్సీలు లాంటి సర్వీసులు మామూలే. కానీ.. తొలిసారి దేశంలో రెండు ఊళ్ల మధ్య హెలి ట్యాక్సీ అందుబాటులోకి వచ్చింది. ఉత్తరాఖండ్ లోని హిమాలయ గిరుల మధ్యనున్న ఈ రెండు ప్రాంతాలకు కొత్త తరహా రవాణాసౌకర్యం అందుబాటులోకి రావటం ఒక విశేషమైతే.. దేశంలో ఇదే మొదటిది కావటం మరో ప్రత్యేకత.

హల్దావనీ.. మున్ షియాన్ ఊళ్ల మధ్య మొదలైన ఈ హెలీ ట్యాక్సీ ఎక్కేస్తే.. హిమాలయ అందాల్ని అస్వాదించే వీలు కలుగుతుంది.ఈ రెండు ఊళ్ల మధ్య 45 నిమిషాల పాటు ప్రయాణం సాగుతుంది. ఐదుగురు ప్రయాణికులు ప్రయాణించే వీలున్న ఈ హెలికాఫ్టర్ కు వెళ్లేటప్పుడు రూ8వేలు.. తిరిగి వచ్చే టప్పుడు మాత్రం రూ.15వేలు ఛార్జ్ చేస్తుండటం గమనార్హం. దేశంలోనే మొదటిదైన ఈ తరహా హెలికాఫ్టర్ సర్వీసు పర్యాటకుల్ని మరింత ఆకర్షించటం ఖాయమంటున్నారు.