వైసీపీ ఎంపీ పిల్లి సుభాష్ ఇంట విషాదం

వైసీపీ రాజ్యసభ సభ్యుడు పిల్లి సుభాస్‌ చంద్రబోస్‌ ఇంట తీవ్ర విషాదం అలుముకుంది. ఆయన అర్థాంగి తనువు చాలించారు. ఆదివారం ఈ విషాదం నెలకొంది.

పిల్లి సుభాష్ సతీమణి సత్యనారాయణమ్మ ఆదివారం మృతి చెందారు, గత కొన్ని రోజులుగా బ్రెయిన్‌ స్ట్రోక్‌తో బాధపడుతున్న ఆమె హైదరాబాద్‌లోని ఓ ప్రైవేట్‌ ఆసుపత్రిలో చికిత్స పొందుతున్నారు. చికిత్స పొందుతూ ఆదివారం కన్నుమూశారు.

ఆమె మరణంతో పిల్లి సుభాష్‌ ఇంట విషాదం నెలకొంది. విషయం తెలుసుకున్న ఆయన కుటుంబ సభ్యులు, వైసీపీ కార్యకర్తలు, పెద్ద ఎత్తున సుభాష్‌ ఇంటికి చేరుకుంటున్నారు. కాగా సత్యనారాయణమ్మ అంత్యక్రియలు సోమవారం జరగనున్నాయి.

సత్యనారాయణమ్మ  భౌతికకాయాన్ని హైదరాబాద్ నుంచి స్వగ్రామానికి తరలించడానికి ఏర్పాట్లు చేస్తున్నారు. సోమవారం అంత్యక్రియలు జరుగనున్నట్లు సమాచారం. మరోవైపు వైసీపీ పెద్దలు, జిల్లా నేతలు ఎంపీకి ఫోన్ చేసి పరామర్శించారు.

కాగా వైఎస్ జగన్ సైతం వైసీపీ రాజ్యసభ సభ్యులు పిల్లి సుభాష్ కుటుంబాన్ని పరామర్శించనున్నారు.