బిగ్ బాస్ 8 : ఈసారి నామినేషన్ ట్విస్ట్ అదుర్స్..!

బిగ్ బాస్ సీజన్ 8 లో సోమవారం వచ్చింది అంటే నామినేషన్స్ హంగామా మొదలైనట్టే. హౌస్ లో ఉండేందుకు అర్హత లేని వారిని ఇంటి నుంచి బయటకు పంపించేందుకు నామినేట్ చేస్తారు. అలా నామినేట్ అయిన వారిని ఆడియన్స్ ఓట్ చేసి హౌస్ లో ఉంచాలా లేదా అన్నది డిసైడ్ చేస్తారు. ఈ క్రమంలో లీస్ట్ ఓటింగ్ వచ్చిన వారిని బిగ్ బాస్ ఎలిమినేట్ చేస్తారు. ఐతే బిగ్ బాస్ సీజన్ 8 లో ఎప్పుడు లేనిది నామినేషన్స్ లో భారీ ట్విస్ట్ ఇచ్చాడు.

బిగ్ బాస్ సీజన్ 8 లో ఈసారి నామినేషన్స్ హౌస్ లో ఉన్న వారితో కాకుండా కొత్తగా ఎలిమినేట్ అయిన వారితో చేయిస్తున్నారు. సీజన్ 8 అన్ లిమిటెడ్ ట్విస్ట్, టర్న్స్ అని ముందు చెప్పినట్టుగా ఈసారి నామినేషన్స్ కారణంగా ఎలిమినేట్ అయిన వారితో నామినేషన్స్ వేయించారు. సీజన్ 8 లో ఈరోజు నామినేషన్స్ లో ఇదివరకు ఎలిమినేట్ అయిన సోనియా, మణికంఠ, ఆదిత్య ఓం, బేబక్క, నైనిక వచ్చి ఒక్కొక్కరు ఇద్దరిని నామినేట్ చేసినట్టు తెలుస్తుంది.

ఆల్రెడీ ఆదివారం ఎపిసోడ్ తర్వాత సోనియా ప్రేరణని, నిఖిల్ ని నామినేట్ చేసిన ప్రోమో వదిలారు. సోనియా నిఖిల్ మధ్య రిలేషన్ గురించి ప్రేరణ మాట్లాడిన విషయాన్ని గుర్తు చేసి ఆమెను.. ఆ తర్వాత నిఖిల్ ను కూడా నామినేట్ చేసింది. ఆమె నామినేషన్ ప్రోమో చూస్తే నిఖిల్ మీద చాలా కోపంగా ఉన్నట్టు అర్థమవుతుంది. ఇక బేబక్క, మణికంఠ, ఆదిత్య ఓం, నైనిక ఇలా అందరు పాత కంటెస్టెంట్స్ నే నామినేట్ చేశారని తెలుస్తుంది.

అందుతున్న సమాచారం ప్రకారం ఈవారం నబీల్, నిఖిల్, ప్రేరణ, పృధ్వి, విష్ణు ప్రియ, యష్మితో పాటుగా రోహిణిని నామినేట్ చేశారని తెలుస్తుంది. బిగ్ బాస్ జరిగిన 8 సీజన్లలో ఎప్పుడు ఇలా ఎలిమినేట్ అయిన కంటెస్టెంట్ తో నామినేషన్ వేయించింది లేదు. బిగ్ బాస్ సీజన్ 8 లో ఈ సర్ ప్రైజ్ ఆడియన్స్ కు కూడా థ్రిల్ కలిగించింది.

ఐతే ఆల్రెడీ ఎలిమినేట్ అయిన కంటెస్టెంట్స్ బయట నుంచి హౌస్ లో ఉన్న వారి ఆట చూసి. ఎవరు హౌస్ లో ఉండేందుకు అర్హత ఉంటుందో ఎవరికి అర్హత లేదో చెబుతూ నామినేట్ చేస్తారు. ఐతే ఈ నామినేషన్స్ కచ్చితంగా ఆడియన్స్ ని థ్రిల్ చేస్తాయని చెప్పొచ్చు. ఎవరెవరు ఎవరిని నామినేట్ చేస్తారన్నది ఈరోజు ఎపిసోడ్ లో తెలుస్తుంది.