మృణాల్ డెడికేషన్ కి తెలుగు ఆడియన్స్ ఫిదా..!

అవకాశాలు అందరికీ వస్తాయి కానీ వచ్చిన ఆ అవకాశాన్ని మనం ఎంత వాడుకున్నాం అన్న దాని మీద ఏ పరిశ్రమలో అయినా కెరీర్ గ్రాఫ్ పెరిగేలా చేస్తుంది. చేస్తున్న పనిలో సిన్సియారిటీ ఉంటే ఆలస్యమైనా సరే విజయం మన సొంతం అవుతుంది. ఈ విషయాన్ని తూచా తప్పకుండా పాటించే వారికి అవకాశాలే కాదు విజయాలు తోడు ఉంటాయి. ఇంతకీ ఇక్కడ విషయం ఏంటి అంటే సీతారామం తో సూపర్ హిట్ అందుకుని తెలుగు ప్రేక్షకుల్లో సీతా మహాలక్ష్మిగా పేరు తెచ్చుకున్న మృణాల్ ఠాకూర్ సినిమా పట్ల తనకున్న డెడికేషన్ తో అందరినీ సర్ ప్రైజ్ చేస్తుంది.

మృణాల్ ఠాకూర్ ప్రస్తుతం నానితో హాయ్ నాన్న, విజయ్ దేవరకొండతో ఒక సినిమా చేస్తుంది. ఈ రెండు సినిమాల్లో ఆమె పాత్రకు మంచి వెయిట్ ఉందని ఫిల్మ్ నగర్ టాక్. కథానాయిక ప్రాధాన్యత ఉన్న సినిమాల్లోనే నటించాలని ప్లానింగ్ లో ఉన్న మృణాల్ కు తెలుగులో అలాంటి అవకాశాలే వస్తున్నాయి. నాని హాయ్ నాన్న సినిమా షూటింగ్ దాదాపు చివరి దశకు చేరుకుంది. విజయ్ తో చేస్తున్న సినిమా షూటింగ్ జరుపుకుంటుంది. అయితే తనకు ఇంతటి స్టార్ క్రేజ్ ఇచ్చిన తెలుగు ప్రేక్షకులకు మరింత దగ్గరయ్యేలా మృణాల్ తెలుగు నేర్చుకుంటుంది.

సినిమా కోసం తన హోం వర్క్ గా తెలుగు ట్యుటోరియల్స్ చూస్తుంది మృణాల్. తెలుగు నేర్చుకుని అర్ధం చేసుకుని తెలుగు మాట్లాడాలని ఉత్సాహంగా ఉంది. అంతేకాదు సొంతంగా డబ్బింగ్ కూడా చెప్పాలని అనుకుంటుంది అమ్మడు. మృణాల్ ఠాకూర్ తెలుగు నేర్చుకునేందుకు పెడుతున్న ఎఫర్ట్ ని చూసి తెలుగు ఆడియన్స్ ఫిదా అయ్యారు. అంత కష్టపడుతుంది కాబట్టే ఆమె అలా సక్సెస్ ట్రాక్ లో ఉందని అంటున్నారు.

సీతారామం సినిమాలో సీత పాత్రలో మరో హీరోయిన్ ను ఊహించుకోవడం కష్టం అనిపించేలా చేసింది మృణాల్. ఆ సినిమా వల్ల తెలుగులో మంచి ఫాలోయింగ్ ఏరపరచుకున్న మృణాల్ సెలెక్టెడ్ గా సినిమాలు చేస్తూ వస్తుంది. ఈ డిసెంబర్ లో మృణాల్ నానిల హాయ్ నాన్న ప్రేక్షకుల ముందుకు వస్తుంది. ఏ సినిమా కోసం తెలుగు నేర్చుకుంటుందో తెలియదు కానీ మృణాల్ ఓన్ డబ్ చెబితే మాత్రం ఆ పాత్రకు మరింత అందం వస్తుందని చెప్పొచ్చు. డిసెంబర్ లో క్రిస్ మస్ రేసులో హాయ్ నాన్న మరో రెండు వారాల్లో అంటే 2024 సంక్రాంతికి విజయ్ దేవరకొండ సినిమాతో మృణాల్ ప్రేక్షకులను మరోసారి తన బుట్టలో వేసుకునేందుకు రాబోతుంది. ఈ రెండు సినిమాలు ఆమెకు ఎలాంటి ఫలితాన్ని అందిస్తాయన్నది చూడాలి.