సౌతిండియాలో పారితోషికంలో నం-1 క‌థానాయిక‌?

ప్రాజెక్ట్ కె లో న‌టిస్తున్నందుకు దీపిక ప‌దుకొనే సుమారు 20కోట్ల పారితోషికం డిమాండ్ చేసింద‌ని అయితే 11కోట్ల పారితోషికానికి కమిటైంద‌ని క‌థ‌నాలొచ్చాయి. జాతీయ ఉత్త‌మ న‌టి అవార్డ్ గ్ర‌హీత ఆలియా భ‌ట్ ఒక్కో సినిమాకి 8 కోట్ల పారితోషికం అందుకుంటోంద‌ని ఇటీవ‌ల 10కోట్ల‌కు పెంచేసింద‌ని కూడా గుస‌గుస‌లు వినిపిస్తున్నాయి. అయితే ఈ భామ‌లిద్ద‌రూ బాలీవుడ్ క‌థానాయిక‌లు.

సౌతిండియాలో ఇంత పెద్ద మొత్తంలో పారితోషికం అందుకునే వేరొక క‌థానాయిక ఉన్నారా? అంటే... ఇప్పుడు ఉన్నార‌నే గుస‌గుస‌లు వినిపిస్తున్నాయి. తాను న‌టించే సినిమాల‌కు సుమారు 6 కోట్ల మేర పారితోషికం అందుకుంటున్న న‌య‌న‌తార ఇప్పుడు పారితోషికం అమాంతం పెంచేశారు. అది కూడా పాన్ ఇండియా సినిమా జ‌వాన్ కోసం ఏకంగా 11 కోట్లు అందుకుంద‌ని ప్ర‌చార‌మవుతోంది. కింగ్ ఖాన్ షారూఖ్ కి చెందిన రెడ్ చిల్లీస్ సంస్థ ఈ మొత్తాన్ని న‌య‌న్ కు చెల్లించింద‌ని తెలుస్తోంది.

జవాన్ పోస్టర్ - ట్రైలర్‌లో నయనతార లుక్ పై అభిమానులు అనుచరుల నుండి ప్రశంసలు కురిసాయి. లేడీ సూప‌ర్ స్టార్ న‌య‌న‌తార జ‌వాన్ లో పోలీసాఫీస‌ర్ పాత్రలో న‌టిస్తోంది. ట్రైలర్‌లో నయనతార రెండు వైవిధ్యమైన అవతార్‌లలో కనిపించారు. ఒకరు భయంకరమైన పోలీసు అధికారి కాగా మరొకరు షారుఖ్ ఖాన్‌తో రొమాన్స్ చేస్తున్న ఒక అందమైన అమ్మాయిగా క‌నిపిస్తోంది. ఈ విల‌క్ష‌ణ‌త‌ సినిమాలో ఆమె పాత్రపై అభిమానుల్లో క్యూరియాసిటీని పెంచింది.

అట్లీ దర్శకత్వం వహిస్తున్న ఈ భారీ చిత్రం 300 కోట్ల రూపాయల బడ్జెట్‌తో రూపొందింది. ఇంతకీ సౌత్ ఇండియా లేడీ సూపర్‌స్టార్ జవాన్ కోసం ఎంత రెమ్యునరేషన్‌ తీసుకుంది? అన్న ప్ర‌శ్న‌కు.. సియాసత్ క‌థ‌నం ప్రకారం.. న‌య‌న్ 11 కోట్ల రూపాయల రెమ్యూనరేషన్ అందుకున్నార‌ని తెలుస్తోంది. 2022 నాటికి నయనతార ఒక సినిమాలో తన పాత్ర కోసం రూ. 10 కోట్లు వసూలు చేసిందని ప్ర‌చారం ఉంది. ఇప్పుడు మ‌రో కోటి పెంచి వ‌సూలు చేసింది. జవాన్ కో-స్టార్ నయనతారపై షారూఖ్ ఖాన్ ఇటీవ‌ల ప్ర‌చార వేదిక‌పై ప్రశంసలు కురిపించారు. జవాన్ స్టార్ క్యాస్ట్ లో 'వండర్‌ఫుల్ యాక్టర్' అని న‌య‌న్ పిలుపందుకుంది.

విజయ్ సేతుపతి, దీపికా పదుకొణెల‌తో క‌లిసి షారుఖ్ ఖాన్ - న‌య‌న్ జంట ఎలాంటి ట్రీటివ్వబోతోందో చూడాల‌న్న ఆస‌క్తి అభిమానుల్లో ఉంది. ప్రియురాలి కోసం అభిమాని ఉచిత టిక్కెట్ అడగడంతో షారూఖ్ అభిమాని ఒక‌రు నెటిజ‌నుల్లో హాట్ టాపిక్ గా మారారు. అభిమాని అలా టికెట్ అడ‌గ‌డానికి కార‌ణం న‌య‌న్ తో ఖాన్ రొమాన్స్ ఆ రేంజులో ఉంద‌ని అర్థం చేసుకోవాల్సి ఉంటుంది. 11 కోట్ల పారితోషికం అందుకుంటున్న తొలి క‌థానాయిక‌గా ఇప్పుడు న‌య‌న్ రికార్డులు సృష్టించింద‌ని చెప్పాలి. సౌతిండియాలోనే ఆమె నంబ‌ర్ 1 హీరోయిన్ అని నిరూప‌ణ అయింది.