అదో చెత్త ఎయిర్ పోర్ట్ అంటూ న‌టి అవేద‌న!
విమాన‌శ్ర‌యాల్లో ప్ర‌యాణికుల‌కు అప్ప‌డ్పుడు ఇక్క‌ట్లు..ఇబ్బందులు త‌ప్ప‌వు.
విమాన‌శ్ర‌యాల్లో ప్ర‌యాణికుల‌కు అప్ప‌డ్పుడు ఇక్క‌ట్లు..ఇబ్బందులు త‌ప్ప‌వు. సాధార‌ణ ప్ర‌జ‌ల‌కు ఇలాంటి స‌మ‌స్య చోటు చేసుకుంటే పెద్ద‌గా వెలుగులోకి రాదు గానీ..సెల‌బ్రిటీలు ఇబ్బంది ప‌డితే మాత్రం అదో సంచ‌ల‌నంగా మారుతుంది. ఎయిర్ పోర్టులో ఇబ్బంది ప‌డ్డ హీరో, హీరోయిన్ల జాబితా తీస్తే చాలా పెద్ద‌దే ఉంటుంది. లగేజీ మిస్ అయింద‌ని, రావ‌డం ఆల‌స్య‌మైంద‌ని, ఇమ్మిగ్రేష‌న్ వ‌ద్ద ఇబ్బందులు ఇలా ర‌క‌ర‌కాల కార‌ణాలతో సెల‌బ్రిటీల పేర్లు నెట్టింట వైర‌ల్ మారుతుంటాయి.
తాజాగా య‌కే విమాన‌శ్ర‌యంలో బాలీవుడ్ న‌టి అతిది రావు హైద‌రీ కి కూడా చేదు అనుభ‌వం ఎదురైంది. ఈ విష‌యాన్ని అమ్మ‌డు ఇన్ స్టా స్టోరీస్ లో రాసుకొచ్చింది. తన లగేజీ మాయమైందని, దానికోసం గంటల తరబడి విమానాశ్రయంలో ఎదురు చూస్తూ కూర్చోవాల్సి వచ్చిందని ఆవేదన వ్యక్తం చేసింది. అధికా రులను అడిగితేనేమో వారు చేతులెత్తేశారని, సంబంధిత ఎయిర్‌లైన్ ను సంప్రదించమన్నారని పేర్కొన్నారు.
ఇంత చెత్త ఎయిర్‌పోర్టును తానెప్పుడూ చూడలేదంటూ తన అసహనాన్ని వ్యక్తం చేసింది. గంట‌ల‌కొద్ది ఎయిర్ పోర్టులో టైమ్ అంతా వృద్ధాగా పోయింద‌ని, సిబ్బంది ఇంత నిర్ల‌క్ష్యంగా ఎలా వ్య‌వ‌రిస్తార‌ని మండిప‌డింది. కానీ ఆమె ఆవేద‌న‌ని ప‌ట్టించుకునే నాదుడు ఎక్క‌డ? మ‌రి ఇంత‌కీ లగేజీ దొరికిందా? లేదా? అన్న‌ది మాత్రం చెప్ప‌లేదు.
ఇక అతిది రావు హైద‌రీ -నటుడు సిద్ధార్థ్‌తో త్వరలో పెళ్లిపీటలు ఎక్కుతున్న సంగ‌తి తెలిసిందే. ఇద్ద‌రు కొంత కాలంగా ప్రేమించుకుంటున్నారు. ఆ ప్రేమ‌ని వివాహ బంధంతో సార్ద‌క‌త చేస్తున్నారు. మ‌రి వివాహం త‌ర్వాత కెరీర్ ఎలా ముందుకు తీసుకెళ్తారు? అన్న‌ది చూడాలి. న‌టిగా అతిది రావు హైద‌రీకి బాగానే అవ‌కాశాలు వ‌స్తున్నాయి. ఇటీవ‌లే బ‌న్సాలీ `హీరామండి`తో మంచి విజ‌యం ఖాతాలో వేసుకుంది.
సిద్దార్ద్ కి చాలా కాలంగా స‌రైన అవ‌కాశాలు రాలేదు. అయితే ఇండియన్ -2 లో కీల‌క పాత్ర పోషిస్తున్నాడు. తాజాగా రిలీజ్ అయిన ట్రైల‌ర్ లో సిద్దార్ధ్ పాత్ర సినిమాలో చాలా కీల‌కంగానే క‌నిపిస్తుంది. మ‌రి ఈ సినిమా హిట్ అయితే మ‌ళ్లీ బిజీ అవుతాడేమో చూడాలి.