అర్హ బర్త్‌డే స్పెషల్‌.. ముద్దులతో నీ నాన్న!
నేడు అల్లు అర్హ పుట్టిన రోజు కావడంతో తల్లిదండ్రులు స్నేహా, అల్లు అర్జున్‌లు సోషల్ మీడియా ద్వారా ఆమె క్యూట్‌ వీడియోలను షేర్‌ చేయడం ద్వారా అందరి దృష్టిని ఆకర్షించారు.
అల్లు అర్జున్‌ పుష్ప 2 గురించి ప్రస్తుతం సోషల్ మీడియాలో ఏ స్థాయిలో ప్రచారం జరుగుతుందో ప్రత్యేకంగా చెప్పనక్కర్లేదు. అదే సమయంలో అల్లు అర్హ గురించి గత రెండు మూడు రోజులుగా పెద్ద ఎత్తున చర్చ జరుగుతూనే ఉంది. ఇటీవల తండ్రి అల్లు అర్జున్‌తో కలిసి అల్లు అర్హ అన్‌స్టాపబుల్‌ షోకి వెళ్లింది. ఆ సమయంలో బాలకృష్ణ నీకు తెలుగు వచ్చా అని అడిగినప్పుడు ఏకంగా 10వ తరగతి తెలుగు పద్యంను గుక్కతిప్పుకోకుండా అర్హ చెప్పిన వీడియోలు సోషల్ మీడియాలో సునామి మాదిరిగా విస్తరించాయి. కొన్ని గంటల్లోనే అర్హ ప్రతిభను పొగుడుతూ ఆ వీడియోలను వైరల్‌ చేయడం జరిగింది.
తండ్రిగా అల్లు అర్జున్‌ గర్వించదగ్గ ప్రతిభ అర్హ సొంతం అంటూ ఆ వీడియోలను షేర్‌ చేసిన చాలా మంది అభిప్రాయం వ్యక్తం చేశారు. సోషల్ మీడియాలో అర్హకు అంతకు ముందే చాలా ఫాలోయింగ్ ఉంది. తెలుగు పద్యం తర్వాత అర్హ ఫాలోయింగ్ అమాంతం పెరిగింది అనడంలో సందేహం లేదు. అర్హ చెప్పిన పద్యం గురించి గూగుల్‌లో తెగ వెతికేస్తున్నారు. నేడు మరోసారి అర్హ సోషల్ మీడియాలో ట్రెండ్‌ అవుతోంది. నేడు అల్లు అర్హ పుట్టిన రోజు కావడంతో తల్లిదండ్రులు స్నేహా, అల్లు అర్జున్‌లు సోషల్ మీడియా ద్వారా ఆమె క్యూట్‌ వీడియోలను షేర్‌ చేయడం ద్వారా అందరి దృష్టిని ఆకర్షించారు.
ముఖ్యంగా అల్లు అర్జున్‌ ఒక క్యూట్‌ అర్హ వీడియోను షేర్‌ చేయడం జరిగింది. దాంతో పాటు నా లైఫ్‌ లో సంతోషానికి హ్యాపీ బర్త్‌డే. మై లిటిల్ అర్హ, అప్పుడే నీకు 8 ఏళ్లు పూర్తి అయ్యాయి. నువ్వు వచ్చిన తర్వాత నా జీవితం చాలా సంతోషంగా మారింది. నీకు బోలెడంత ప్రేమ, హగ్గులతో, ముద్దులతో నీ నాన్న అంటూ అల్లు అర్జున్‌ పోస్ట్ చేసిన వీడియో వైరల్‌ అవుతోంది. అల్లు అర్జున్‌కి తన కూతురు అంటే ఎంత ప్రేమ ఉందో దీంతో మరోసారి క్లారిటీ వచ్చింది అంటూ నెటిజన్స్‌ కామెంట్స్ చేస్తున్నారు. పుష్ప సినిమాతో ఎంత బిజీగా ఉన్నా అర్హ కోసం బన్నీ టైం కేటాయించడం జరుగుతుందని స్నేహా ఆ మధ్య ఒక ఇంటర్వ్యూలో అన్నారు.
అల్లు అర్హ అంటే డాడీ కూతురు అనుకుంటివా... డాడీ ప్రిన్సెస్‌ అంటూ సోషల్ మీడియా ద్వారా పుష్ప తరహాలో డైలాగ్‌ చెప్పి అందరిని ఆకట్టుకున్న అల్లు అర్జున్‌ ఇప్పుడు బర్త్‌ డే శుభాకాంక్షలను విభిన్నంగా చెప్పడం ద్వారా మరోసారి వార్తల్లో తన కూతురును ఉంచాడు. ప్రస్తుతం అల్లు అర్జున్‌ పుష్ప 2 ఫైనల్‌ షెడ్యూల్‌కి రెడీ అవుతున్నారు. ఒక పాటతో పాటు చిన్న చిన్న ప్యాచ్ వర్క్‌ ఉందని తెలుస్తోంది. డిసెంబర్‌ 5న ప్రేక్షకుల ముందుకు రాబోతున్న పుష్ప 2 సినిమా కోసం ఈ ఆదివారం చెన్నైలో భారీ ఎత్తున ఈవెంట్‌ నిర్వహించేందుకు ఏర్పాట్లు జరిగాయి. ఆ ఈవెంట్‌లో కిస్సిక్‌ ఐటెం సాంగ్‌ను విడుదల చేసే అవకాశాలు ఉన్నాయి.