వీడియో : చిరు షేర్ చేసిన లవ్లీ మూమెంట్‌
ఆ పెళ్లికి సంబంధించిన ఫోటోలు మరియు వీడియోలను మెగా ఫ్యామిలీ వారు అంతా కూడా షేర్ చేసుకున్నారు.
మెగాస్టార్ చిరంజీవి ఇన్‌స్టాగ్రామ్‌ లో చాలా అరుదుగా పోస్ట్‌ లు చేస్తూ ఉంటారు. దాదాపుగా మూడు మిలియన్ల ఫాలోవర్స్ ను కలిగి ఉన్న చిరంజీవి ప్రత్యేక సందర్భాలు, ప్రత్యేక రోజులకు సంబంధించిన విషయాలను తప్పకుండా ఇన్‌స్టాగ్రామ్‌ లో షేర్ చేయడం మనం చూస్తూనే ఉంటాం. తాజాగా లవ్లీ మూమెంట్‌ అంటూ ఈ వీడియోను షేర్ చేశాడు.
ఇటీవల మెగా ప్రిన్స్ వరుణ్ తేజ్ వివాహం ఇటలీలో జరిగిన విషయం తెల్సిందే. ప్రేమించిన లావణ్య త్రిపాఠిని ఇరు కుటుంబాలను ఒప్పించి వరుణ్ తేజ్ పెళ్లి చేసుకున్న విషయం తెల్సిందే. వరుణ్, లావణ్య ల పెళ్లిని మెగా ఫ్యామిలీ మెంబర్స్ బాగా ఎంజాయ్‌ చేశారు. వైభవంగా చేయడంతో పాటు ఫ్యామిలీ మొత్తం రెండు మూడు రోజులు సంతోషంగా గడిపారు.
ఆ పెళ్లికి సంబంధించిన ఫోటోలు మరియు వీడియోలను మెగా ఫ్యామిలీ వారు అంతా కూడా షేర్ చేసుకున్నారు. చిరంజీవి కూడా ఆ లవ్లీ మూమెంట్స్ ను షేర్ చేశాడు. తాజాగా మరోసారి చిరంజీవి ఈ యానిమేషన్ వీడియోను షేర్ చేసి రెండు హృదయాలు ప్రేమతో ఒక్కటి అయ్యాయి అంటూ కామెంట్‌ పెట్టాడు. వీడియో లో లావణ్య, వరుణ్ లతో పాటు చిరు, సురేఖ లను చూడవచ్చు.
ఇక చిరంజీవి సినిమాల విషయానికి వస్తే భోళా శంకర్ తర్వాత కాస్త గ్యాప్‌ తీసుకున్న విషయం తెల్సిందే. ఎట్టకేలకు బింబిసార దర్శకుడు వశిష్ట దర్శకత్వంలో చిరంజీవి సినిమా మొదలు అయింది. చిరంజీవి చాలా కాలం తర్వాత ఒక సోషియో ఫాంటసీ కథాంశంతో ప్రేక్షకుల ముందుకు రాబోతున్నాడు. ఈ సినిమా కోసం ప్రేక్షకులు, ఫ్యాన్స్ చాలా ఆసక్తిగా ఎదురు చూస్తున్నారు.