‘అమరన్’.. భారీ ప్రీ-సేల్స్‌తో న్యూ రికార్డ్

శివకార్తికేయన్, సాయి పల్లవి ప్రధాన పాత్రల్లో నటించిన బయోగ్రాఫికల్ యాక్షన్ డ్రామా ‘అమరన్’ విడుదలకు సిద్ధమైంది. రేపు థియేటర్లలో గ్రాండ్ రిలీజ్ అవుతున్న ఈ సినిమా ట్రైలర్, ఇతర ప్రమోషనల్ కంటెంట్ వల్ల భారీ అంచనాలు ఏర్పడ్డాయి. రాజ్‌కుమార్ పేరియసామి దర్శకత్వంలో తెరకెక్కిన ఈ చిత్రం, బుక్ మై షోలో రికార్డు స్థాయిలో ప్రీ-సేల్స్ సాధించి సెన్సేషన్ క్రియేట్ చేస్తోంది. గంటకు 17,000కు పైగా టిక్కెట్లు అమ్ముడవుతున్నట్లు సమాచారం.

తమిళ సినిమాలలో ఇటీవలి కాలంలో ఇంతటి ప్రీ-సేల్స్ సాధించిన చిత్రం లేదు. ఈ రికార్డ్‌ని ‘అమరన్’ సొంతం చేసుకోవడం సినిమాపై ఏర్పడిన హైప్‌ను తెలుపుతోంది. తెలుగు రాష్ట్రాల్లో కూడా ఈ సినిమా పై భారీ ఆసక్తి ఉంది, దీన్ని బట్టి తెలుగులో కూడా శివకార్తికేయన్ కెరీర్ బెస్ట్ ఓపెనింగ్స్ నమోదు చేయనున్నారని అంచనా వేస్తున్నారు.

‘అమరన్’ సినిమాను కమల్ హాసన్ నిర్మాణ సంస్థ రా రాజ్ కమల్ ఫిల్మ్స్ ఇంటర్నేషనల్, సోనీ పిక్చర్స్ ఫిల్మ్స్ ఇండియాతో కలిసి నిర్మించింది. ఈ చిత్రానికి తెలుగులో ప్రముఖ నిర్మాణ సంస్థ శ్రీశ్ట్ మూవీస్ ద్వారా పంపిణీ వ్యవహరించనుంది. శివకార్తికేయన్ నటన, సాయి పల్లవి మరియు ఇతర నటీనటుల పాత్రలు ప్రేక్షకులను థియేటర్లకు రప్పించేలా ఉన్నట్లు ట్రైలర్ ద్వారా అర్థమవుతోంది.

తమిళనాడులోనే కాకుండా తెలుగురాష్ట్రాల్లో కూడా ‘అమరన్’ శివకార్తికేయన్ కెరీర్‌లోనే అత్యధిక ఓపెనింగ్స్ సాధించే అవకాశం ఉన్నట్లు అంచనా వేస్తున్నారు. కమర్షియల్ చిత్రాల్లో తనకంటూ ఒక ప్రత్యేకమైన గుర్తింపును సాధించిన శివకార్తికేయన్ ఈ సినిమాతో మరో మెట్టు ఎక్కనున్నట్లు తెలుస్తోంది. 'అమరన్’ సినిమా వార్ యాక్షన్ నేపథ్యంలో ఉండడంతో ఈ కథలో యాక్షన్ సీక్వెన్స్‌లు ప్రేక్షకులను ఆకట్టుకునేలా ఉంటాయని భావిస్తున్నారు.

దర్శకుడు రాజ్‌కుమార్ పేరియసామి ఈ చిత్రంలో శివకార్తికేయన్‌ని పూర్తి భిన్నమైన రోల్‌లో ప్రజెంట్ చేశారని సినీ వర్గాలు చెబుతున్నాయి. సినిమాపై ప్రేక్షకుల్లో ఉన్న అంచనాలను నిజం చేసుకునేలా ఈ చిత్రం తెరకెక్కినట్లు తెలుస్తోంది. మొత్తానికి, ‘అమరన్’ విడుదలకు ముందు నుంచే బుక్ మై షోలో సాధించిన ప్రీ-సేల్స్ ఈ సినిమా రేంజ్‌ను, శివకార్తికేయన్‌కు ఉన్న క్రేజ్‌ను తెలియజేస్తోంది. రేపటి విడుదలతో ‘అమరన్’ బాక్సాఫీస్ వద్ద ఏ రేంజ్ హిట్ అవుతుందో అని అందరూ ఆసక్తిగా ఎదురుచూస్తున్నారు.