అభినవ్ బింద్రా జీవితంపై దేనికీ సస్పెన్స్?

ఒలిపింక్ క్రీడాకారుడు అభినవ్ బింద్రా జీవితం ఆధారంగా ఓ చిత్రాన్ని తెరకెక్కిస్తామని కొన్నేళ్ల క్రితం అనీల్ కపూర్..ఆయన తనయుడు హర్షవర్దన్ కపూర్ సంయుక్తంగా ప్రకటించిన సంగతి తెలిసిందే. ఐదేళ్ల క్రితమే ఈ ప్రకటన వచ్చింది.

ఆ తర్వాత మళ్లీ గతేడాది సినిమా చేస్తున్నట్లు ప్రకటించారు. సమయం ఆసన్నమైందని..ఇక ఆలస్యం చేయబోమని మరోసారి హర్షవర్దన్ కపూర్ వెల్లడించారు. అయితే అప్పటి నుంచి ఇప్పటివరకూ బింద్రా జీవితం తెరకెక్కింది లేదు.

దీంతో ఈ ప్రాజెక్ట్ వెనుక ఆసలేం జరుగుతుందో? అర్దం కాని గందరగోళం నెలకొంది. కథ సిద్దం కాక ఆలస్యం చేస్తున్నారా? కథ సిద్దం కాక వెనక్కి తగ్గుతున్నారా? దర్శకుడి కోసం వెతికే పనిలో ఆలస్యమ వుతుందా? అని రకరకాల సందేహాలు తె రపైకి వచ్చాయి. అయితే తాజాగా ఈ సినిమాకి సంబంధించి మరోసారి అనీల్ కపూర్ అధికారిక ప్రకటన ఇచ్చారు. ప్రాజెక్ట్ పూర్వ నిర్మాణ పనుల్లో ఉన్నట్లు వెల్లవించారు.

యధావిధిగా అభినవ్ బింద్రా పాత్రలో హర్షవర్దన్ ..ఆయన తండ్రి పాత్రలో అనీల్ కపూర్ నటిస్తున్నట్లు మరోసారి గుర్తు చేసారు. అభినవ్ బింద్రా ఆత్మకథ 'ఏ షాట్ ఎట్ హిస్టరీ..మై అబ్సెసివ్ జర్నీ టూ ఒలింపిక్ గోల్డ్' ఆధారంగా చిత్రాన్ని తెరకెక్కిస్తున్నారు. ఈ సినిమా ని అనీల్ కపూర్ ఎంతో ప్రతిష్టాత్మకంగా భావించి నిర్మిస్తున్నారు. అయితే దర్శకుడు పేరు మాత్రం ఇంకా రివీల్ చేయలేదు.

అలాగే ఇతర కీలక పాత్రధారులు ఎవరు అన్నది ప్రకటించలేదు. ఇంకా సినిమాకి సంబంధించి చాలా వివరాలు గోప్యంగానే ఉంచుతున్నట్లు కనిపిస్తుంది. ఇప్పటికే రెండుసార్లు ప్రకటనిచ్చిన నేపథ్యంలో ఇది అలాంటి ప్రకటనగానే మిగిలిపోతుందా? ఈసారైనా సెట్స్ కి వెళ్తారా? అని సోషల్ మీడియాలో సెటైర్లు పడుతున్నాయి.

ప్రాజెక్ట్ కి సంబంధించి పూర్తివివరాలు లేకుండా ప్రకటన ఎలా ఇస్తారని అభినవ్ బింద్రా అభిమానులు మండిపడుతున్నారు. గతంలో ఇదే కాంబినేషన్ 'ఏకె వర్సెస్ ఏకే' చిత్రం ద్వారా ప్రేక్షకుల్ని ఆకట్టుకునన సంగతి తెలిసిందే.