రెండు రోజుల్లో యానిమల్ కలెక్షన్స్ ఎంతంటే..

రణబీర్ కపూర్ హీరోగా సందీప్ రెడ్డి వంగా దర్శకత్వంలో తెరకెక్కి ప్రేక్షకుల ముందుకి వచ్చిన సినిమా యానిమల్. ఈ సినిమా సూపర్ హిట్ టాక్ సొంతం చేసుకొని కలెక్షన్స్ పరంగా కూడా దూసుకుపోతోంది. సందీప్ రెడ్డి మేకింగ్ అండ్ టేకింగ్ స్టైల్, రణబీర్ కపూర్ అద్భుతమైన పెర్ఫార్మెన్స్ కారణంగా మూవీకి మంచి రెస్పాన్స్ వస్తోంది. మొదటి రోజు కంటే రెండో కలెక్షన్స్ మరింతగా పెరిగాయి.

దీనిని బట్టి సినిమా ఏ స్థాయిలో సక్సెస్ అందుకుందో అంచనా వేయవచ్చు. ఈ ఏడాది బాలీవుడ్ నుంచి వచ్చిన మరో బ్లాక్ బస్టర్ మూవీగా యానిమల్ ఉండబోతోందని సినీ విశ్లేషకులు అంచనా వేస్తున్నారు. రష్మిక కూడా యానిమల్ సినిమాతో బాలీవుడ్ లో మరిన్ని అవకాశాలు సొంతం చేసుకునే అవకాశం ఉందని భావిస్తున్నారు. ఇదిలా ఉంటే ఈ సినిమాకి రెండు రోజుల్లో ఏకంగా 250 గ్రాస్ కలెక్ట్ అయ్యింది.

మొదటి రోజు వంద కోట్లకి పైగా గ్రాస్ వసూళ్లు అందుకున్న ఈ మూవీ రెండో రోజు కూడా అంతకు మించి కలెక్ట్ చేసింది. దీంతో ఓవరాల్ గ్రాస్ 250 కోట్లు అందుకుంది. ఆదివారం కూడా వంద కోట్లకి పైగా వసూళ్ళని యానిమల్ నమోదు చేస్తుందని అంచనా వేస్తున్నారు. ఇక నెట్ పరంగా చూసుంటే రెండు రోజుల్లో 129 కోట్లని అందుకుంది.

ఈ సినిమాపై 200 కోట్ల ప్రీరిలీజ్ బిజినెస్ జరిగింది. 210 కోట్ల బ్రేక్ ఈవెన్ టార్గెట్ తో ఈ సినిమా థియేటర్స్ లోకి వచ్చింది. ప్రపంచ వ్యాప్తంగా మూవీని 4 వేలకి పైగా థియేటర్స్ లో రిలీజ్ చేశారు. మొదటి రోజు 63.8 కోట్ల నెట్ వసూళ్లు అయ్యింది. రెండో రోజు ఏకంగా 68 కోట్ల నెట్ అందుకుంది. ఓవరాల్ గా ఇప్పటి వరకు 129.80 కోట్ల నెట్ కలెక్షన్స్ వచ్చాయి.

మూవీ బ్రేక్ ఈవెన్ కావాలంటే మరో 81 కోట్ల నెట్ కలెక్షన్స్ అందుకుంటే సరిపోతుంది. రెండు రోజుల్లో ఈ బ్రేక్ ఈవెన్ కలెక్షన్స్ ని యానిమల్ మూవీ దాటిపోయే అవకాశం కనిపిస్తోంది. ఈ ఏడాది వెయ్యి కోట్లకి పైగా గ్రాస్ కలెక్ట్ చేసిన జపాన్, పఠాన్ సినిమాల సరసన యానిమల్ కూడా చేరే అవకాశం ఉందని ట్రేడ్ పండితులు అంచనా వేస్తున్నారు. ఓవర్సీస్ లో కూడా 5.8 మిలియన్ డాలర్లు యానిమల్ మూవీ కలెక్ట్ చేసింది.