యానిమల్ పార్క్.. ఊహించనివి ఎన్నో..

టాలీవుడ్ యువ దర్శకుడు సందీప్ రెడ్డివంగా ఇప్పుడు బాలీవుడ్ ఇండస్ట్రీలో చాలా హాట్ టాపిక్ గా మారుతూ ఉన్నాడు. మొదటి సినిమా అర్జున్ రెడ్డిని బాలీవుడ్ లో రీమేక్ చేసి ఏ స్థాయిలో సక్సెస్ అందుకున్నాడో ప్రత్యేకంగా చెప్పనవసరం లేదు అయితే ఇప్పుడు కబీర్ సింగ్ కంటే ఎక్కువగా యానిమల్ సినిమాకు కలెక్షన్స్ పెరుగుతూ ఉన్నాయి. మొత్తానికి ఊహించినట్లుగానే ఈ సినిమా బాక్సాఫీస్ వద్ద 500 కోట్ల మార్ ను అందుకుంది.

ఇక రాబోయే రోజుల్లో లెక్క వెయ్యి కోట్లకు చేరువైనా ఆశ్చర్య పోవాల్సిన అవసరం లేదు అని ట్రేడ్ వర్గాలు చెబుతున్నాయి. ఇక ఈ సినిమాకు సీక్వెల్ కూడా ఉంటుంది అని దర్శకుడు ముందుగానే క్లారిటీ ఇచ్చిన విషయం తెలిసిందే. సినిమాలో కూడా చివరలో యానిమల్ పార్క్ అంటూ టైటిల్ కూడా ఇచ్చేశాడు. అయితే ఇటీవల మీడియా ముందుకు వచ్చిన సందీప్ మరోసారి ఆ సీక్వెల్ గురించి ఆసక్తికరమైన విషయాలను వెల్లడించాడు.

మీరు యానిమల్ లో చూసిన దానికంటే ఎక్కువగా సీక్వెల్లో అంతకుమించిన యాక్షన్ ఎలిమెంట్స్ ఉంటాయి. అలాగే ప్రతి విషయం కూడా ఊహించని దానికంటే ఎక్కువగానే ఉంటుందని ఒక హెంత్ అయితే ఇచ్చాడు ఇప్పుడు యానిమల్ సినిమాకు వస్తున్న రెస్పాన్స్ చూస్తూ ఉంటే అనిమల్ పార్క్ విషయంలో మరిన్ని అంచనాలు పెరిగిపోయాయి అని అందులోని ప్రతి పాత్ర కూడా చాలా పవర్ఫుల్ గా ఉంటుంది అని అన్నారు.

అంతేకాకుండా అందులో కనిపించబోయే రణబీర్ మరింత క్రూరంగా ఉంటాడు అని ఆడియన్స్ కు ఆ సినిమా నెవర్ బిఫోర్ అనే థ్రిల్ కూడా ఇస్తుంది అని తెలియజేశాడు. బాబి డియోల్ సైతం సీక్వెల్లో కూడా తనకు నటించాలని ఉంది అని తన కోరికను తెలియజేశాడు. అయితే అది ఉంటుందో లేదో అని కూడా అతను అన్నాడు. మరి సందీప్ రెడ్డివంగా మరోసారి బాబి డియోల్ ను సీక్వెల్లో పుట్టిస్తాడో లేదో చూడాలి.

ఇక యానిమల్ సినిమా సక్సెస్ కావడంతో సందీప్ రెడ్డి భవిష్యత్తు ప్రాజెక్టులపై కూడా మరిన్నీ అంచనాలు పెరిగిపోయాయి. ఇప్పటికే ప్రభాస్ తో స్పిరిట్ సినిమా అనౌన్స్ చేసిన అతను అల్లు అర్జున్తో కూడా ఒక సినిమా చేయబోతున్నట్లు కూడా క్లారిటీ ఇచ్చేశాడు. ఇక భవిష్యత్తులో మహేష్ బాబుతో కూడా సినిమా ఉంటుంది అని చెప్పకనే చెప్పాడు.