నాని సినిమా.. రెహమాన్ బిగ్ డిమాండ్

నేచురల్ స్టార్ నాని.. ఈ ఏడాది దసరా సినిమాతో ప్రేక్షకుల ముందుకు వచ్చి బ్లాక్ బస్టర్ హిట్ ను తన ఖాతాలో వేసుకున్నారు. ఈ చిత్రంతో ఏకంగా రూ. 100 కోట్ల క్లబ్ లో జాయిన్ అయితే. ఇక ఈ విజయంతో నానిపై మరింత బాధ్యత పెరిగింది. అయితే ప్రస్తుతం హాయ్ నాన్న అనే ఓ సినిమా కంప్లీట్ చేసిన సంగతి తెలిసిందే. దీని తర్వాత నాని 31వ చిత్రాన్ని వివేక్ ఆత్రేయతో చేయబోతున్నారని ప్రచారం సాగుతున్న సంగతి తెలిసిందే.

ఈ సినిమాను డీవీవీ ఎంటరటైన్మైంట్ బ్యానర్ పై దానయ్య నిర్మిస్తున్నారు. తాజాగా ఈ సినిమా గురించి ఓ ఇంట్రెస్టింగ్ న్యూస్ బయటకు వచ్చింది. ఈ చిత్రం కోసం ఆస్కార్ అవార్డ్ గ్రీహీత ఏఆర్ రెహ్మాన్ ను తీసుకునేందుకు మూవీ టీమ్ చర్చలు జరుపుతుందట. ఈ సినిమా కోసం రెహ్మాన్ భారీ రెమ్యునరేషన్ ను డిమాండ్ చేస్తున్నారని తెలిసింది. దాదాపు రూ. 10కోట్లు అడుగుతున్నారని సమాచారం అందింది.

అయితే దీనిపై నాని సినిమా నిర్మాతలు అంత మొత్తం ఇచ్చి రెహ్మాన్ ను తీసుకోవాలా వద్దా అని సందిగ్ధంలో పడ్డారట. దీనిపై ఓ నిర్ణయం తీసుకునేందుకు చర్చలు జరుపుతున్నారట. ఎందుకంటే ఈ మూవీ మరీ భారీ బడ్జెట్ తో రూపొందించట్లేదని తెలిసింది. అందుకే రెహ్మాన్ ఛార్జ్ పై ఇంకా ఆలోచన చేస్తున్నట్లు తెలిసింది. వీలైతే కాస్త తక్కువ మొత్తానికి ఒప్పించేందుకు నిర్మాతలు బేరాలు చేస్తున్నారట. కానీ నాని-వివేక్ మాత్రం ఎలాగైనా రెహ్మాన్ ను తీసుకోవాలనే చూస్తున్నారట. కానీ ఫైనల్ డెసిషన్ మాత్రం దానయ్యయే తీసుకోనున్నారట.

కాగా, వివేక్ ఆత్రేయతో నాని గతంలో అంటే సుందరానికి సినిమా చేసిన సంగతి తెలిసిందే. ఈ చిత్రం ఆశించిన స్థాయి లో సక్సెస్ అందుకోలేదు. దీంతో ఇప్పుడు చేయబోయే సినిమా మరింత శ్రద్ధ తీసుకుంటున్నారట. యాక్షన్ బ్యాక్ డ్రాప్ లో ఈ చిత్రం చేసేందుకు సన్నాహాలు చేస్తున్నారని తెలిసింది. ఇకపోతే అంతకన్నా ముందు మెంటల్ మదిలో, బ్రోచేవారెవరుగా సినిమాలతో వివేక్ ఆత్రేయ మంచి సక్సెస్ అందుకున్నారు వివేక్ ఆత్రేయ.

ఇక నాని ప్రస్తుతం నటించిన హాయ్ నాన్న రిలీజ్ కు రెడీ అయిపోయింది. శౌర్యువ్ దర్శకత్వంలో ఇది తెరకెక్కింది. రీసెంట్ గా రిలీజైన ఫస్ట్ గ్లింప్స్ కూడా ప్రేక్షకుల ముందుకు వచ్చి ఆకట్టుకుంది. ఈ చిత్రం లో ఓ చిన్నారికి తండ్రిగా నాని కనిపించబోతున్నాపు. ఫాదర్ అండ్ డాటర్ సెంటిమెంట్ లో సినిమా రాబోతుంది.